З панядзелка пачынаюцца новыя раскопкі на месцы старога Менска. І ў іх можна ўзяць удзел любому ахвотнаму
З панядзелка, 29 мая, стартуюць новыя археалагічныя раскопкі ў старым Менску, на замчышчы і селішчы XI стагоддзя, дзе пачыналася менская гісторыя. Гэта ўнікальная магчымасць дакрануцца да прадметаў, якія праляжалі ў зямлі 1000 год!
Графік на наступны тыдзень — з панядзелка па суботу ўключна, прыкладна з 10.00 да 16.00. Паўдзельнічаць можа любы ахвотны.
Праўда, малых дзяцей (да 10 гадоў) браць з сабой не рэкамендуецца, паколькі праца руцінная і патрабуе пільнасці. Пры сабе трэба мець працоўнае адзенне і абутак, рукавіцы, ссабойку, пітную ваду. Рыштунак (рыдлёўкі, скрабкі) выдаецца на месцы.
Перад тым як ехаць, лепей у працоўны час напярэдадні патэлефанаваць і ўдакладніць, ці будуць заўтра раскопкі, бо часам праз дождж работы адмяняюцца.
Даязджаць трэба да сядзібы «Стары Менск» і на месцы тэлефанаваць па кантактным нумары. Раскопкі будуць адбывацца за 200 метраў ад сядзібы. Кантактны тэлефон: +375295782375.
Чытайце таксама:
Падчас раскопак на Менцы знайшлі артэфакты X-XII стагоддзяў
У Мсціславе ў гэтым годзе распачнуць рэканструкцыю забудовы XII—XIV стагоддзяў на Замкавай гары
-
Як бы дзейнічаў Шарль дэ Голь, калі б ён быў прэзідэнтам Беларусі?
-
«Лёс тых, хто вярнуўся, быў трагічны». 100 гадоў таму беларускія палітэмігранты прызналі Менск «адзіным цэнтрам»
-
Вацлаў Гавэл таксама адмовіўся выйсці з турмы пры ўмове выезду за мяжу. Але ён быў зусім непадобны да лідараў беларускай апазіцыі
У Церцеля прагучаў новы акцэнт: «разрадка ў цэлым той напружанасці» ў адносінах з Польшчай і Балтыяй21
Каментары