Экс-форвард «Рэала» падпісаў асноўную частку дакументаў, каб стаць гульцом саудаўскага «Аль-Ітыхада».
Карым Бензема правёў у «Рэале» 14 сезонаў і выйграў 25 трафеяў, у тым ліку 5 Ліг чэмпіёнаў. Фота: яго інстаграм
Кантракт будзе дзейнічаць да 2025 года і прадугледжвае опцыю прадаўжэння яшчэ на сезон, піша «Трыбуна» са спасылкай на журналіста Фабрыцыа Рамана.
Учора «Рэал» аб'явіў, што гулец пакідае каманду.
За «Рэал» 35-гадовы Бензема выступаў з 2009 года. На яго рахунку 647 матчаў, ён быў другім найлепшым бамбардзірам у гісторыі мадрыдцаў — 353 галы.
У складзе каралеўскага клуба Карым выйграў «Залаты мяч» 2022 года, таксама разам з камандай ён заваяваў 25 трафеяў.
«Аль-Ітыхад» у сезоне-2022/23 стаў чэмпіёнам Саудаўскай Аравіі.
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню45
Каментары