Свет44

У Паўночнай Карэі забаранілі самагубствы, бо яны цяпер лічацца «здрадай Радзіме і сацыялізму»

Паводле крыніц агенцтва «Радыё Свабодная Азія», Кім Чэн Ын раз'юшаны вялікай колькасцю суіцыдальных запісак, у якіх людзі ад голаду і адчаю крытыкуюць дыктатарскі рэжым.

Кім Чэн Ын разам са сваёй дачкой Чжу Э. Фота: «Голас Карэі»

Кіраўнік Паўночнай Карэі Кім Чэн Ын выпусціў сакрэтны загад аб поўнай забароне самагубстваў, бо лічыць выкарыстанне суіцыду ў якасці пратэсту супраць сябе абсалютна недапушчальным. Пра гэта паведаміла агенцтва «Радыё Свабодная Азія» са спасылкай на свае крыніцы, знаёмыя з сітуацыяй.

Па інфармацыі крыніц агенцтва, такі загад стаў адказам на гіганцкі рост самагубстваў з перадсмяротнымі лістамі, у якіх людзі крытыкуюць рэжым Кім Чэн Ына за татальную рэпрэсіўную бязвыхаднасць і жудасныя ўмовы існавання грамадзян.

Адзначаецца, што колькасць самагубстваў у Паўночнай Карэі ў параўнанні з мінулым годам павялічылася на 40%, і ў першую чаргу гэта звязана з галечай, голадам і рэпрэсіямі.

«Канфідэнцыйны загад аб прадухіленні і забароне самагубстваў быў абвешчаны на экстранных партыйных пасяджэннях у кожнай правінцыі Паўночнай Карэі. У краіне рэзка пачасціліся выпадкі суіцыду, большая частка з якіх закранула цэлыя сем'і. Плюс да ўсяго ў многіх выпадках былі знойдзеныя перадсмяротныя запіскі, у якіх людзі крытыкавалі палітыку ўрада і ўсю сацыяльную сістэму. З гэтага часу самагубствы лічацца здрадай Радзіме і сацыялізму», — расказаў агенцтву «Радыё Свабодная Азія» адзін з паўночнакарэйскіх чыноўнікаў на ўмове поўнай ананімнасці з прычыны бяспекі.

Чыноўнік апісаў некалькі выпадкаў, як цэлыя сем'і разам з дзецьмі і старымі добраахвотна прымалі пацучыную атруту, цыяністы калій і выкарыстоўвалі іншыя метады суіцыду, каб проста не жыць у Паўночнай Карэі і пазбавіцца голаду і пакут.

На яго думку, смерць стала адзінай формай непадпарадкавання безнадзейнай і крыважэрнай сістэме.

Акрамя таго чыноўнік дадаў, што з гэтага часу за адсутнасць прагрэсу ў прадухіленні самагубстваў будуць несці калектыўную адказнасць самі мясцовыя ўлады і іх сем'і.

Каментары4

  • Геленоускi
    08.06.2023
    А пасля самагубства стакан смяротнае пакаранне
  • Праўдаруб
    08.06.2023
    Хахаха рагачу ў галасіну! А хай бы яшчэ прыдумалі пакаранне нейкае за тое, што чалавек здзейсніў акт самагубства. Напрыклад, прыменяць смяротнае пакаранне для тых, хто здзейсніў суіцыд 
  • Gorliwy Litwin
    09.06.2023
    Выдатна арыенцір для Сінявокай! але ў беларусоў запас трываласці значна вышэйшы, як бы гайкі не заціснулі, не пабягуць самагубіцца. Памятаючы бессмяротны запавет Шчырай Этнавясковай Маці: А можа, так і трэба?
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Арыштаваны начальнік камітэта аховы здароўя Мінска Ігар Юркевіч4

Арыштаваны начальнік камітэта аховы здароўя Мінска Ігар Юркевіч

Усе навіны →
Усе навіны

Пасол Турцыі ў Беларусі расказаў пра любімыя беларускія стравы ў іх сям'і4

Памёр кампазітар Яўген Дога3

У Мінску амаль перамаглі баршчэўнік Сасноўскага1

Украінцы падарвалі апору Крымскага моста. Але той устаяў15

Па Слуцку паўзуць чуткі пра забойства з расчлянёнкай. Вось што кажуць у міліцыі2

Кава з апельсінамі, мандарыны з кетчупам. Беларуска шакіруе знаёмых гастранамічнымі вычварэнствамі3

Пажыццёвае зняволенне вынеслі жыхару Віцебска за жорсткае забойства сваёй сужыцелькі

Дуда: Расія выдыхаецца, а мы мацнеем. А наконт Украіны ў НАТА я з Наўроцкім пагавару9

«Беларусь, што з інтэрнэтам? Працуе праз раз!»: карыстальнікі А1 скардзяцца на праблемы, кампанія праблему прызнае8

больш чытаных навін
больш лайканых навін

Арыштаваны начальнік камітэта аховы здароўя Мінска Ігар Юркевіч4

Арыштаваны начальнік камітэта аховы здароўя Мінска Ігар Юркевіч

Галоўнае
Усе навіны →

Заўвага:

 

 

 

 

Закрыць Паведаміць