Прычына смерці ў турме 81-гадовага тэрарыста, вядомага як Унабомбер, — самагубства
81-гадовы Тэадор Качынскі пакончыў з сабой у турме, піша Associated Press са спасылкай на чатыры крыніцы. У яго была «позняя стадыя» анкалагічнага захворвання.
Качынскі з 1978 па 1995 год арганізаваў 16 выбухаў, у іх выніку загінулі тры чалавекі і яшчэ 23 атрымалі раненні.
Такім нялюдскім спосабам Качынскі выказваў сваю незадаволенасць сучасным прамыслова-тэхналагічным грамадствам і наступствамі навуковага прагрэсу, што адлюстраваў у сваім «Маніфесце Унабомбера», у якім тэрарыст прапагандаваў вяртанне да прыроды і знішчэнне тэхналогій.
У 1996 годзе Качынскі быў арыштаваны і ў 1998 годзе прызнаны вінаватым у серыі тэрактаў. Яго прысудзілі да пажыццёвага зняволення без магчымасці ўмоўнага вызвалення.
Качынскі выступаў супраць сучасных тэхналогій і заклікаў да вяртання да першабытнага ладу жыцця. Пра яго смерць стала вядома 10 чэрвеня.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары