Гарачае і сухое надвор'е прывяло да таго, што практычна па ўсёй Фінляндыі дзейнічаюць папярэджанні аб лясных пажарах, падчас якіх распальваць адкрыты агонь забаронена.
Як паведамляе Метэаралагічны цэнтр Фінляндыі, гарачыя дні ў пачатку чэрвеня прывялі да таго, што практычна па ўсёй краіне дзейнічаюць папярэджанні аб магчымых лясных пажарах. Паводле ацэнак сіноптыкаў, сітуацыя наўрад ці паспее змяніцца да Юхануса (Купалле), піша Yle.fi.
Юханус, ён жа дзень cярэдзіны лета, у гэтым годзе пройдзе ў суботу 24 чэрвеня. Гэта вялікае свята ў краінах Балтыі і Паўночнай Еўропы.
У гэты дзень папярэджанні аб лясных пажарах дзейнічаюць амаль ва ўсіх рэгіёнах. Гэта азначае, што распальванне адкрытага агню забаронена.
На інтэрнэт-старонках Метэацэнтра можна знайсці карту ў рэжыме рэальнага часу, якая паказвае, у якіх рэгіёнах дзейнічаюць абмежаванні на распальванне вогнішчаў, але сітуацыя можа абнавіцца да Юхануса.
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый2
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1010
Каментары