Выбух газу прывёў да пажару ў некалькіх будынках у Лацінскім квартале ў цэнтры Парыжа, паведамілі афіцыйныя асобы і сведкі. Некалькі чалавек знаходзяцца ў крытычным стане, піша Бі-бі-сі.
Фасад аднаго дома абрынуўся з боку вуліцы, некалькі дамоў загарэлася.
Міністр унутраных спраў Жэральд Дарманін заявіў, што выбух бытавога газу адбыўся на вуліцы Сен-Жак у Пятай акрузе — гэта недалёка ад Люксембургскага саду і Сарбоны.
Паводле звестак паліцыі, пацярпелі 16 чалавек, сямёра знаходзяцца ў крытычным стане.
Тэлеканал BFM TV паказаў, як пажарныя службы спрабуюць збіць полымя, а парыжане размясцілі ў твітары выявы вялізнага слупа дыму, які быў бачны ў большай частцы горада.
Журналіст Аліўе Гальзі распавёў BFM TV, што бачыў, як фасад суседняга будынка «цалкам паваліўся». Паліцыя заклікала людзей пазбягаць гэтага раёна.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі18
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4141
Каментары