Турыстычным аўтобусам, які трапіў у ДТЗ пад Віцебскам, ехалі магілёўцы ў Санкт-Пецярбург
Сталі вядомыя падрабязнасці пра аварыю турыстычнага аўтобуса з паўсотняй пасажыраў, што патрапіў у ДТЗ пад Віцебскам. Інфармацыю паведамляе БелТА на падставе слоў прэс-сакратаркі МУС Наталлі Сахарчук.
«Аўтобус вёз турыстаў, сярод якіх у асноўным былі жыхары Магілёва і вобласці, у Санкт-Пецярбург на экскурсію. Усяго ў салоне, акрамя кіроўцы, знаходзіліся 49 чалавек — сем'і, у тым ліку з дзецьмі», — паведаміла Сахарчук.
За рулём аўтобуса знаходзіўся жыхар Магілёва.
Паводле чыноўніцы, цяпер у бальніцы на абследаванні знаходзяцца 3 чалавекі — дзве жанчыны і дзіця. Першапачаткова ва ўстановы аховы здароўя даставілі восем пацярпелых. Пяцёра, у тым ліку кіроўца, ад шпіталізацыі адмовіліся.
ДТЗ здарылася на 93-м кіламетры аўтадарогі М8 Мяжа РФ — Віцебск — Гомель у Віцебскім раёне побач з вёскай Васюты сёння ў 17.40. Турыстычны аўтобус Neoplan, рухаючыся ў спадарожным кірунку, сутыкнуўся з аўтамабілем Nissan, які спыніўся на скрыжаванні.
У выніку аўтобус апынуўся ў правым па ходзе руху кювеце, дзе перакуліўся.
Каментары
А вообще, путын, собери содержимое своих чемоданов и подлей огурцы - хоть какая-то польза для тебя, путын, будет от твоих чемоданов...
ольгинские
вы че
совсем путы ? ой. тупы ?