«Дзяржслужбы павінны выбачыцца перад вернікамі» — беларускія пяцідзясятнікі пра сітуацыю з «Новым жыццём»
Аб'яднанне Хрысціян поўнага Евангелля Беларусі выступіла з заявай з нагоды разбурэння будынка царквы «Новае жыццё» ў Мінску.
Тэкст звароту ад асобы епіскапа Леаніда Вараненкі і Рады Аб'яднання апублікаваны на сайце Аб'яднання.
«Гэты факт выклікаў абурэнне ў многіх вернікаў нашага Аб'яднання і не толькі. Гэтае дзеянне глыбока абразіла пачуцці вернікаў. Для нас незразумела, як у краіне, якая пазіцыянуе сябе як захавальніца традыцыйных хрысціянскіх каштоўнасцяў, настолькі груба зневажаюцца тыя, хто сапраўды жыве зыходзячы з тых самых дэклараваных традыцыйных хрысціянскіх каштоўнасцяў.
(…)
Мы лічым, што дзяржаўныя службы павінны папрасіць прабачэння ў членаў царквы «Новае жыццё» за разбурэнне іх храма, даць участак зямлі для будаўніцтва Дома Малітвы, даць у арэнду памяшканне для правядзення набажэнстваў царквы ў перыяд будаўніцтва і разабрацца ў дапушчанай бязбожнасці», — гаворыцца ў заяве Аб'яднання Хрысціян поўнага Евангелля.
***
21 чэрвеня ўлады пачалі знос царквы ў Мінску.
Паводле змен, што былі ўнесеныя ў праект дэталёвага планавання Сухарава, ухваленага ў 2019 годзе, на месцы царквы павінна вырасці школа.
Ціск на вернікаў, якія, на думку гарадскіх уладаў, павінны тэрмінова і назаўжды пакінуць будынак, узмацніўся ў пачатку 2021 года.
Варта адзначыць, што ў 2020-м пастар «Новага жыцця» рэзка асудзіў беззаконне і зверствы.
17 лютага 2021 года судовыя выканаўцы ўвайшлі ў царкву ў суправаджэнні міліцыі, апісалі маёмасць. У будынку ў той час ішла малітва. Прыхаджане, каб пазбегнуць арыштаў, вымушаныя былі пакінуць царкву.
Вернікі доўгі час маліліся побач з царквой.
Цяпер чытаюць
«У Віцебску заходзіў у тралейбус і казаў «Слава Украіне!». Украінца ў 67 гадоў пасадзілі за каменты, напісаныя пасля гібелі хроснай дачкі пад абстрэлам у Кіеве1212
Каментары
А лукашэнаўскія так званыя дзяржслужачыя служаць не Богу і не беларускаму народу, а Лукаваму, яны пакланяюцца лукпваму, яны ідалапаклоннікі. У вольнай Беларусі будзе рэлігійная свабода і Бог благаславіць вольную Беларусь.