З 3 ліпеня амаль два месяцы ў Беларусь можна будзе ездзіць па «бязвізе» для ўдзельнікаў II гульняў краін СНД
З 3 ліпеня пачне дзейнічаць бязвізавы рэжым для іншаземцаў, якія захочуць наведаць Беларусь дзеля ўдзелу ў ІІ гульнях краін СНД. Плануецца, што ўсяго ўдзел у спаборніцтвах прымуць 18 краін.
Бязвізавы ўезд, які дазваляе ўдзельнікам II гульняў краін СНД перасякаць беларускую мяжу без афармлення візы, пачынае дзейнічаць у Беларусі з 3 ліпеня і працягнецца да 31 жніўня.
Прэс-сакратар МЗС Беларусі Анатоль Глаз раней казаў, што спрошчаны рэжым перасячэння мяжы будзе дзейнічаць не толькі для спартсменаў, але і для заўзятараў. Апошнім будзе неабходна даць пацвярджэнне таго, што яны наведваюць краіну з мэтай паўдзельнічаць у гульнях. Прытым пазней стала вядома, што квіткі на гульні будуць бясплатнымі.
ІІ гульні краін СНД плануюць правесці з 4 па 14 жніўня. Акрамя спартсменаў з уласна СНД, з большасцю краін якой, за выключэннем Туркменістана, у Беларусі і так бязвізавы рэжым, у Беларусь збіраюцца прыехаць прадстаўнікі ААЭ, Кітая, Кубы і Егіпта. Усяго НАК Беларусі чакае ўдзел каля трох тысяч спартсменаў.
Паўла Латушку запрасілі паўдзельнічаць у адкрыцці ІІІ Еўрапейскіх гульняў у Кракаве. Мінулыя гульні праходзілі ў Мінску, і іх адкрываў Лукашэнка
Беларускіх цяжкаатлетаў дапусцілі да спаборніцтваў. Але выключна ў форме аднаго колеру
Лукашэнкаўскі «бязвіз» узяў чарговую вышыню — больш за паўмільёна чалавек. Але гэта не ўнікальныя наведвальнікі
Каментары