Z 3 lipienia amal dva miesiacy ŭ Biełaruś možna budzie jeździć pa «biaźvizie» dla ŭdzielnikaŭ II hulniaŭ krain SND
Z 3 lipienia pačnie dziejničać biaźvizavy režym dla inšaziemcaŭ, jakija zachočuć naviedać Biełaruś dziela ŭdziełu ŭ II hulniach krain SND. Płanujecca, što ŭsiaho ŭdzieł u spabornictvach prymuć 18 krain.
Biaźvizavy ŭjezd, jaki dazvalaje ŭdzielnikam II hulniaŭ krain SND pierasiakać biełaruskuju miažu biez afarmleńnia vizy, pačynaje dziejničać u Biełarusi z 3 lipienia i praciahniecca da 31 žniŭnia.
Pres-sakratar MZS Biełarusi Anatol Hłaz raniej kazaŭ, što sproščany režym pierasiačeńnia miažy budzie dziejničać nie tolki dla spartsmienaŭ, ale i dla zaŭziataraŭ. Apošnim budzie nieabchodna dać paćviardžeńnie taho, što jany naviedvajuć krainu z metaj paŭdzielničać u hulniach. Prytym paźniej stała viadoma, što kvitki na hulni buduć biaspłatnymi.
II hulni krain SND płanujuć pravieści z 4 pa 14 žniŭnia. Akramia spartsmienaŭ z ułasna SND, z bolšaściu krain jakoj, za vyklučeńniem Turkmienistana, u Biełarusi i tak biaźvizavy režym, u Biełaruś źbirajucca pryjechać pradstaŭniki AAE, Kitaja, Kuby i Jehipta. Usiaho NAK Biełarusi čakaje ŭdzieł kala troch tysiač spartsmienaŭ.
Paŭła Łatušku zaprasili paŭdzielničać u adkryćci III Jeŭrapiejskich hulniaŭ u Krakavie. Minułyja hulni prachodzili ŭ Minsku, i ich adkryvaŭ Łukašenka
Biełaruskich ciažkaatletaŭ dapuścili da spabornictvaŭ. Ale vyklučna ŭ formie adnaho koleru
Łukašenkaŭski «biaźviz» uziaŭ čarhovuju vyšyniu — bolš za paŭmiljona čałaviek. Ale heta nie ŭnikalnyja naviedvalniki
Kamientary