Гродзенцы ад світанку выстройваюцца ў чэргі, каб набыць новыя кватэры ад дзяржзабудоўшчыка. У чым прычына?
Жыхары Гродна назіраюць цікавую карціну: перад пачаткам працоўнага дня, перад дзвярыма прадпрыемства «Гроднажылбуд» збіраюцца чэргі з дзясяткаў грамадзян.
Плюсы ад росту курсаў валют
Цікавасць да куплі гатовых кватэр ад забудоўшчыка павысілася бліжэй да сярэдзіны жніўня. Акурат у гэты час назіралася заўважнае аслаблення курса беларускага рубля адносна даляра і еўра. Пакуль курсы валют ставілі гадавы рэкорд, людзі, якія трымалі зберажэнні ў далярах або еўра, спяшаліся заняць чаргу, каб набыць «патаннелыя» кватэры. І рэч тут не ў нейкіх зніжках ад забудоўшчыка.
У валютным вымярэнні цана на гатовыя кватэры ў новабудоўлях зніжаецца паралельна з ростам курсаў. Толькі з 1 па 15 жніўня беларускі рубель абясцэніўся адносна даляра на 7% — з 3,0344 да 3,2651 рубля за даляр ЗША па курсе НБРБ. Роўна настолькі знізіліся і цэны на кватэры (калі глядзець у валюце).
Эканомія ў тысячы даляраў
Напрыклад, трохпакаёвая кватэра на 79 м² у 18-павярховым доме па вуліцы Старамалышчынскай каштуе 126 400 рублёў (па 1600 рублёў за метр). Па стане на 1 жніўня гэта было каля $41 655. А ўсяго праз 15 дзён — ужо $38 712.
Усяго за палову месяца кватэра «патаннела» амаль на 3 тысячы даляраў.
Адзначым, што агучаныя цэны актуальныя толькі пры аплаце ўсёй сумы на працягу 60 каляндарных дзён ад моманту заключэння дамовы.
У выпадку з кватэрамі ў доме па вуліцы Воінаў-Інтэрнацыяналістаў розніца яшчэ больш заўважная, бо там «квадрат» каштуе 1950 рублёў. У доме засталіся вольныя толькі 3-, 4– і 5-пакаёвыя кватэры. Самая малая з іх мае плошчу 80 м². Гэта 156 тысяч рублёў, што на пачатку месяца раўнялася 51 410 далярам. Праз 15 дзён такая кватэра каштавала ўжо $47 778. Як вынік — мінус 3632 даляры за два тыдні.
У адрозненні ад кватэр у новабудоўлях, рынак другаснай нерухомасці не прадугледжвае такіх «падарункаў», бо, як правіла, усе цэны на нерухомасць у Беларусі зафіксаваныя ў далярах ЗША. І нават калі цэны на другасным рынку і зніжаюцца, то не так істотна. На прыкладзе Гродна можна ўбачыць, што за квартал зніжэнне сярэдняй цаны на кватэры па даных рэальных здзелак склала ўсяго 1,7% супраць мінус 7,7% за два тыдні ў выпадку з кватэрамі ў новабудоўлях.
Падобны ажыятаж і чэргі назіраюцца не ўпершыню, як і сам факт абясцэньвання беларускай валюты.
Гэта звязана з тым, што беларусы традыцыйна ў большасці сваёй захоўваюць зберажэнні ў валюце. Апроч гэта сярод іншых важных фактараў можна вылучыць тое, што шмат гродзенцаў працуюць у Еўропе. У прыватнасці, кіроўцамі фур. Зарплаты ў іх высокія і выплачваюцца ў еўра. Таму многія спяшаюцца скарыстацца «дысконтам» ад Нацбанка.
Наплыў турыстаў — кватэры ў цэнтры Гродна здаюць і па 100 даляраў за суткі. «З такімі цэнамі кватэру можна адбіць за некалькі гадоў»
Цяпер чытаюць
Як выглядаюць кватэры з сацыяльным рамонтам для чаргавікоў і колькі за іх просяць1
Каментары