Мінскі аэрапорт на фоне санкцый кінуўся ў фантазіі: абяцаюць рэканструкцыю згодна з праектам нейрасеткі
Стварэнне «аэрапорта будучыні» анансаваў Нацыянальны аэрапорт Мінск у сваіх сацсетках.
«У найбліжэйшай будучыні наш аэрапорт чакаюць змены і пераўтварэнне. Плануецца пабудаваць бізнэс-горад з разнастайнай інфраструктурай», — абяцае прэс-служба.
Але дадае, што пакуль пра дакладныя тэрміны рэалізацыі праекта казаць рана. Затое трохі пафантазіравалі, як мог бы выглядаць аэрапорт у будучыні.
«І дапаможа нам у гэтым нейрасетка. Згенераваныя ёю выявы нагадваюць навукова-фантастычныя фільмы або апавяданні пісьменнікаў-фантастаў, — папярэджвае прэс-служба аэрапорта і абяцае: — Магчыма, у рэальнасці ўсё будзе выглядаць яшчэ больш футурыстычна. І пасля рэканструкцыі НАМ зменіцца настолькі, што яго немагчыма будзе пазнаць».
Пасля ўвядзення санкцый у сувязі з прымусовай пасадкай рэйса, якім ляцеў Раман Пратасевіч, аэрапорт, як і ўся авіягаліна, перажывае кепскія часы, шмат якія рэйсы і партнёрскія сувязі былі спыненыя. Да гэтага дадаліся санкцыі, звязаныя з вайной ва Украіне. Аэрапорт адчувае не толькі фінансавая цяжкасці, але і цяжкасці з пастаўкамі абсталявання ў сувязі з гэтым.
11 жніўня Лукашэнка запатрабаваў развіваць Нацыянальны аэрапорт Мінск, нягледзячы на санкцыі ў дачыненні да беларускай авіяцыйнай галіны.
Мінск сёння вечарам пагрузіўся ў цемру. Пасля загаду Лукашэнкі50
Мінск сёння вечарам пагрузіўся ў цемру. Пасля загаду Лукашэнкі
Агентка Кардаш выкарыстоўвала сэкс, каб збіраць інфармацыю пра каліноўцаў і завербаваць украінскага камандзіра. А куратару КДБ пісала пра яго: «Мой лох»3535
Каментары