Культура

У Дзюсельдорфе адкрылася выстаўка Хаіма Суціна, мастака «парыжскай школы» са Смілавічаў

У музеі «K20», які ўваходзіць у склад Мастацкі збор зямлі Паўночны Рэйн — Вестфалія, праходзіць выстаўка, на якой прадстаўлена каля 60 карцін Хаіма Суціна, аднаго з найбуйнешых майстроў «парыжскай школы».

Хаім Суцін нарадзіўся ў 1893 годзе ў мястэчку Смілавічы недалёка ад Мінска, і быў дзясятым з адзінаццаці дзяцей мясцовага краўца, распавядае Reform.by. У пошуках мастацкай рэалізацыі ў 1913 годзе ён пераехаў у Парыж. І хоць мегаполіс стаў яго сурагатным домам, ён заставаўся аўтсайдарам на працягу ўсяго свайго жыцця.

2023.09.01_chaim-soutine_k20-dusseldorf_018.jpg
Музей сучаснага мастацтва Паўночнага Рэйна-Вестфаліі. Фота: Андрэй Дурэйка.

Выстаўка ў Дзюсельдорфе мае назву «Хаім Суцін. Супраць плыні» і акцэнтуецца на тэмах аўтсайдарства і эміграцыі знакамітага ўраджэнца Беларусі. Яго карціны праліваюць святло на яго жыццё яўрэйскага эмігранта і з’яўляюцца сведчаннем няўстойлівага існавання на перыферыі грамадства.

Фрагменты экспазіцыі. Фота: Андрэй Дурэйка.

У экспазіцыі прадстаўлена каля 60 палотнаў, з акцэнтам на раннія шэдэўры мастака і серыі, створаныя ў перыяд з 1918 па 1928 год.

Нацюрморт з селядцом. 1916. Фота: Андрэй Дурэйка.

Мастак часта ўвасабляў пакаёвак, слуг, пажаў, кухараў, харыстаў — людзей, якія, як і ён, знаходзіліся на ніжэйшых узроўнях грамадства. Як і выявы хісткіх краявідаў і забітых жывёл, гэтыя творы з’яўляюцца выразнымі сімваламі эпохі, пазнакай пакалення, ахопленага вайной, сацыяльнымі праблемамі, рэлігійнымі і палітычнымі супярэчнасцямі.

Хлопчык-харыст. 1927-1928. Фота: Андрэй Дурэйка.

Хаім Суцін — адзін з вялікіх мастакоў класічнага мадэрнізму. Яго ўнікальныя карціны адначасова пачуццёвыя і поўныя драматызму.

 Жанчына ў ружовым. 1924. Фота: Андрэй Дурэйка.

Творчасць гэтага аўтара аказала велізарны ўплыў на жывапіс пасля Другой сусветнай вайны, а ў Германіі ён застаецца вельмі шанаваным аўтарам.

Разабраная туша. 1925. Фота: Андрэй Дурэйка.

Выстаўка ў дзюсельдорфскім музеі будзе працаваць да 14 студзеня 2024 года.

Каментары

Цяпер чытаюць

Выпускніца з Баранавічаў набрала 400 балаў з 400 магчымых для паступлення

Выпускніца з Баранавічаў набрала 400 балаў з 400 магчымых для паступлення

Усе навіны →
Усе навіны

«Выйшла ў лес, крычала і плакала». Палітзняволеная расіянка з вокладкі «КП» расказала пра сваё зняволенне і дэпартацыю2

За здымкі на вакзале ў віцебскім СІЗА трымаюць аршанца Яўгена Бодрыкава2

«Праца цяжкая, але плён натхняе». Сёлетні клубнічны сезон працягнецца даўжэй, чым звычайна

На Зямлі ёсць нябачная мяжа, якую жывёлы не перасякаюць. Вось чаму2

Wildberries назвала «скалананнем паветра» чуткі пра запуск ёй таксі1

Незвычайна: пчолы пакрылі «хусткай» скульптуру Багародзіцы ў Дзятлаве ФОТА9

У Наваполацку РПЦ адкрые спецыяльны храм для дзяцей3

У Беларусі ўводзяць новыя валютныя абмежаванні2

Пашынян заклікаў пазбавіць пасады Каталікоса ўсіх армян, бо ў таго знайшлося дзіця2

больш чытаных навін
больш лайканых навін

Выпускніца з Баранавічаў набрала 400 балаў з 400 магчымых для паступлення

Выпускніца з Баранавічаў набрала 400 балаў з 400 магчымых для паступлення

Галоўнае
Усе навіны →

Заўвага:

 

 

 

 

Закрыць Паведаміць