Вучні адной са школ Беларусі прынеслі клятву на вернасць Радзіме
Новы рытуал правялі ў Дубненскай сярэдняй школе Мастоўскага раёна падчас лінейкі 1 верасня, паведамляе выданне «Зара над Нёманам».
Фота: «Зара над Нёманам»
Газета паведамляе, што ўдзельнікі лінейкі далі клятву на вернасць Радзіме, абавязаліся паспяхова вучыцца і працаваць на карысць Беларусі, праслаўляць мастоўскую зямлю, а таксама з гонарам несці імя ваеннага лётчыка Андрэя Данілава, які здзейсніў свой подзвіг на дубненскай зямлі і чыё імя будзе прысвоена школе.
А пачаліся заняткі з урока па тэме «Беларусь і Я — дыялог міру і стварэння». Для старшакласнікаў яго правяла ў музеі школы настаўніца гісторыі Таццяна Вялічка. Жыццё і подзвіг Андрэя Данілава стаў прыкладам таго, як трэба шанаваць і любіць сваю Радзіму, быць гатовым яе абараняць.
Каментары