Ежа66

Восеньскі салат з квяцістай капустай, яблыкамі і арэхамі

Тонкі, свежы і трохі востры смак — за кошт імбірна-гарчычнай запраўкі.

Cauliflower
Фота: Nora Carol Photography / Getty Images

Восень — найлепшы час для куплі квяцістай капусты, хоць цяпер яе можна знайсці ў краме круглы год.

Квяцістая капуста — гэта крыжакветная гародніна нароўні з брокалі, брусельскай капустай, ліставой капустай і радыскай. Яна з’яўляецца выдатнай крыніцай вітамінаў і мінералаў, а таксама змяшчае вялікую колькасць клятчаткі, патрэбнай для здароўя стрававальнай сістэмы. Яшчэ ў капусце шмат антыаксідантаў, карысных для абароны ад некаторых хранічных захворванняў.

Пры куплі квяцістай капусты шукайце гародніну крэмава-белага колеру са шчыльна прылеглымі суквеццямі без плямаў або пацямненняў. Галоўка квяцістай капусты павінна быць цяжкаватай з-за свайго памеру. Лісце мусіць быць свежым, не вялым — гэта прыкмета таго, што капусту сабралі нядаўна.

Квяцістую капусту можна захоўваць у халадзільніку да пяці дзён. Не мыйце гэту гародніну, пакуль не будзеце гатовыя яе ўжываць. Перад гатоўкай прамыйце пад халоднай праточнай вадой. Прыбярыце і выкіньце знешняе лісце, сцябло і сярэдзіну. Далей капусту можна разабраць на суквецці або нарэзаць.

Каб згатаваць салат з квяцістай капустай, яблыкамі і арэхамі, спатрэбіцца:

  • квяцістая капуста — 1 шт.
  • яблыкі — 2
  • палова лімона
  • арэхі — 1 жменя фундуку ці міндалю
  • ёгурт — 5 ст. лыжак
  • 1 ст.л. цёртага імбіру
  • 1 ст.л. гарчыцы
  • 1 ст.л. віннага воцату
  • соль, чорны перац, на жаданне — пятрушка
Cauliflower apple salad
Фота: quericavida.com

Як гатаваць:

  1. Квяцістую капусту зварыць у падсоленай вадзе 1 хвіліну пасля закіпання, а потым прамыць халоднай вадой, каб спыніць яе гатаванне.
  2. Яблыкі пачысціць ад лупіны і парэзаць кубікамі.
  3. Арэхі можна трохі падсмажыць, а потым здрабніць — але даволі буйнымі кавалкамі, не да стану крошкі.
  4. Зрабіць запраўку: змяшаць ёгурт, гарчыцу, цёрты імбір, соль, перац і воцат.
  5. Змяшаць усе складнікі, заправіць, зноў хутка перамяшаць і адразу падаваць.

Каментары6

  • Алек. Ру
    10.09.2023
    НН, восеньскАЯ салатА. Ну што такое???
  • восіньскае абастрэніе
    10.09.2023
    у яго ачэрэдны клімакс. ну а можэ бярэменны ён. ну кароч - іграй гармон..йэх"Растёт, растёт возле дома кали

    ой. прашу пращэния. ноги сами пашли у пляс

    и вапшчэ. у нас хто как хатит то та и гавары(т)
  • Гаспадыня из Гирмании
    10.09.2023
    Ньет!Лучше напхать жирнинькай свиниках, перасушаная на магале, парадавать свой пузик и 90 кг, да пад водачку, тольки сахар не забывайте правераць каждые 5 минут.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Арыштаваны чыноўнік, які мог стаць наступным міністрам аховы здароўя7

Арыштаваны чыноўнік, які мог стаць наступным міністрам аховы здароўя

Усе навіны →
Усе навіны

«У майго 21 сантыметр — дзесяць базавых далі». Беларусы ў тыктоку жартуюць з новых правілаў ад чыноўнікаў15

Тры чалавекі загінулі ў ДТЗ у Жлобінскім раёне

Брэсцкага журналіста будуць судзіць за сяброўства ў Беларускай асацыяцыі журналістаў

«Мельнікава не ўпісваецца ў вобраз закаханай дурнічкі». Пракоп'еў агучыў сваю версію37

Спявачка IOWA выступіла ў дзіўным касцюме і абурыла праваслаўных4

Кампанія-выдавец «Свету танкаў» публікуе інфармацыю аб сваёй падтрымцы Узброеных сіл Расіі6

Літоўскі дэпутат: Няма ніякіх прыкмет таго, што Расія ці Беларусь могуць напасці на краіны НАТА ў 2025-м5

Памежнікі затрымалі мужчыну, які спрабаваў заехаць у Беларусь з ануляваным грэцкім пашпартам

Кампанію, якая развівае гульню «Свет танкаў», прызналі ў Расіі «экстрэмісцкай»3

больш чытаных навін
больш лайканых навін

Арыштаваны чыноўнік, які мог стаць наступным міністрам аховы здароўя7

Арыштаваны чыноўнік, які мог стаць наступным міністрам аховы здароўя

Галоўнае
Усе навіны →

Заўвага:

 

 

 

 

Закрыць Паведаміць