Аўтобус Мінск — Рыга з-за закрыцця памежнага перахода мяняе маршрут
Праз закрыццё Латвіяй аўтамабільнага пункта пропуску «Сіленэ» на мяжы з Беларуссю «Мінсктранс» змяніў маршрут рэйсавых аўтобусаў, якія едуць у Рыгу. Пра гэта перавозчык паведамляе ў сябе на сайце.
У афіцыйным рэлізе гаворыцца, што аўтобусы, якія перавозяць пасажыраў з Мінска ў Рыгу, больш не будуць ехаць праз Даўгаўпілс.
Новы маршрут аўтобуса пракладзены праз Вільню. Аўтобусы адпраўляюцца з Мінска раніцай у 08:40 і назад з Рыгі ў 08:00. Новы маршрут запрацуе з чацвярга, 21 верасня.
Праўда, раней рэгулярныя рэйсы «Мінсктранса» ў Рыгу праз Вільню таксама былі ў раскладзе разам з маршрутам праз Даўгаўпілс.
Каментары