Жонка Гіркіна пракаментавала фота, на якім той нібыта моцна збіты ў СІЗА
Міраслава Рэгінская, жонка зняволенага шавіністычнага блогера Ігара Стралкова (Гіркіна), пракаментавала фота са збітым у СІЗА нібыта яе мужам, якое днямі распаўсюдзілі расійскія Z-каналы.
Па словах Рэгінскай, дадзенае фота з'яўляецца фэйкам.
«Любыя паведамленні жоўтых тэлеграм-каналаў пра Ігара Стралкова з'яўляюцца хлуснёй. Якія нізкія людзі пішуць у гэтых каналах! Бог ім суддзя. А пра ўмовы ўтрымання майго мужа ў Лефортава можна даведацца ў мяне і ў яго адваката», — напісала Міраслава Рэгінская.
24 верасня некаторыя расійскія прапагандысцкія каналы выклалі фота моцна збітага чалавека, паводле іх версіі, Ігара Стралкова, камандзіра расійскіх штурмавых атрадаў у 2014 годзе, былога міністра абароны так званай «ДНР», а пазней — блогера, вядомага сваёй шавіністычнай пазіцыяй.
У СІЗА Стралкоў трапіў у ліпені за вострую крытыку Міністэрства абароны, Генштаба і нават Крамля і Уладзіміра Пуціна за недастатковыя, паводле яго, дзеянні Расіі на вайне з Украінай.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам23
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары