Валавы ўнутраны прадукт Беларусі за дзевяць месяцаў 2023 года павялічыўся на 3,5%, паведамілі ў Нацыянальным статыстычным камітэце. Па звестках ведамства, аб'ём ВУП у бягучых цэнах склаў 157,2 мільярда рублёў, а ў супастаўных цэнах — 103,5% да ўзроўню студзеня—верасня 2022 года.
Фота ілюстрацыйнае
Пры гэтым індэкс-дэфлятар за названы перыяд 2023-га ў адносінах да таго ж перыяду папярэдняга склаў 108,9%.
Паводле ацэнкі Белстата, са студзеня да жніўня рост ВУП быў зафіксаваны на ўзроўні 3,1%. А для дасягнення ў 2023 годзе закладзенага ў прагноз сацыяльна-эканамічнага развіцця па ВУП у 3,8% у другім паўгоддзі яна павінна паказваць рост не менш за 6% штомесяц, бо расце толькі з сакавіка. А мінулы год эканоміка скончыла з мінусам у 4,7%.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3838
Каментары
Між тым перспектывы так сабе, бо ўвядзенне ў Расеі жорсткага валютнага ўрагалявання на бліжэйшыя паўгады (перад самапрызначэннем Пуціна) непазбежна абмяжуе для беларускіх вытворцаў магчамасці канвертавацца з ₽ ў СКВ дзеля набыцця прамяжковага імпарту, а пасля гэтага калі курс ₽ адпусцяць - стан рэчаў для беларускіх вытворцаў можа пагоршыцца яшчэ. І памятаем, што актыўны удзел беларускіх вытворцаў у ваенных пастаўках крамлю непазбежна пашырыць другасныя санкцыі.