У акупаваным украінскім горадзе Валнаваха забілі дзевяць чалавек, у тым ліку дзяцей
У горадзе Валнаваха, што месціцца ў падкантрольнай расійскім вайскоўцам частцы Данецкай вобласці Украіны былі забітыя дзевяць чалавек. Сярод забітых двое дзяцей. Следчы камітэт Расіі напярэдадні паведаміў пра крымінальную справу па артыкуле аб забойстве дзвюх і больш асоб.
У паведамленні расійскага СК гаварылася, што целы забітых былі знойдзены ў прыватным доме, які належаў загінулай сям’і, з агнястрэльнымі раненнямі.
Тэлеграм-канал «Астра», спасылаючыся на мясцовых жыхароў, суседзяў і сваякоў забітых, сцвярджае, што забойства ўчыніў расійскі вайсковец.
Паводле версіі суразмоўцаў канала, забойства адбылося 27 кастрычніка ў прыватным жылым доме на вуліцы Данецкай. Дом належаў сямʼі — мужу і жонцы, у іх было двое дзяцей, дзяўчынка-школьніца і 4-гадовы хлопчык. Усе яны, як сцвярджаецца, былі забітыя, як і яшчэ пяць чалавек, якія знаходзіліся ў доме.
Абставіны забойства застаюцца незразумелымі. Некаторыя суразмоўцы «Астры», а таксама карыстальнікі мясцовага чата, сцвярджаюць, што незадоўга да забойства расійскі вайсковец пасварыўся з уладальнікам хаты.
Афіцыйна расійскія ўлады гэтых паведамленняў не каментавалі, у той час як упаўнаважаны па правах чалавека Вярхоўнай Рады Украіны Дзмітрый Лубінец назваў прозвішча загубленай сям'і — Капканец. Сям'я, па папярэдніх звестках, «святкавала дзень народзінаў і адмовілася аддаваць уласнае жытло чачэнскім акупантам».
Цяпер чытаюць
Пасля паездкі за межы ЕС таямніча знік Анатоль Котаў, былая правая рука Паўла Латушкі45
Каментары