У расійскай Іашкар-Але пасля акцыі памяці ахвяр рэпрэсій аднаго з удзельнікаў затрымалі за плакат на беларускай мове
У Іашкар-Але (Марый Эл) сёння адбылося ўскладанне кветак да мемарыяла ахвярам палітычных рэпрэсій. Да помніка прыйшлі сваякі рэпрэсаваных савецкімі ўладамі. Улады адмовілі ініцыятарам у правядзенні мітынгу.
Пасля ўскладання кветак асноўная частка ўдзельнікаў акцыі адправілася ў музей гісторыі горада (ён знаходзіцца за некалькі дзясяткаў метраў ад мемарыяла), а некалькі чалавек засталіся прывесці ў парадак месца ўскладання кветак.
У гэты момант супрацоўнікі паліцыі падышлі да аднаго з іх — Кірыла Вайтовіча. Маладога чалавека затрымалі за невялікі плакат на беларускай мове: «Ноч паэтаў. 29-30 кастрычніка. Вечная памяць ахвярам бальшавiцкага тэрору. Жыве вечна».
Плакат ён размясціў у адной з ніш мемарыяла — там, дзе знаходзяцца кнігі аб рэпрэсіях і партрэты ахвяр сталінскага тэрору, піша «Вясна».
Раптоўна памёр Уладзімір Усер — немалады актывіст, які ўляпаўся ў фільм БТ і шпіянаж у Польшчы27
Каментары