12 кастрычніка суд Ленінскага раёна Магілёва прысудзіў 40-гадовага мясцовага жыхара Андрэя Міндубаева да 2 гадоў і 6 месяцаў пазбаўлення волі ва ўмовах агульнага рэжыму, даведаўся Mayday Team.
Фота ілюстрацыйнае
Мужчыну прызналі вінаватым у абразе Аляксандра Лукашэнкі (арт. 368 КК Беларусі) і ў паклёпе ў яго адрас (арт. 367 КК Беларусі). Андрэя Міндубаева трымалі пад вартай з 10 жніўня 2023 года.
Падрабязнасцяў крымінальнай справы няма, вядома толькі, што магілёвец пакінуў каментар пра Лукашэнку ў адным з тэлеграм-каналаў, прызнаным структурамі рэжыму «экстрэмісцкім».
Каментары