Выклікалі па позве ў міліцыю, а дахаты прывезлі ў кайданках.
«Хапун у Гомелі. «Стаханаўцы» працуюць нават на Дзяды. Затрыманы Васіль Палякоў. Выклікалі па позве, у якой быў указаны артыкул па адміністрацыйнай справе. Праз пару гадзін прывезлі ў кайданках дахаты. Правялі вобшук, забралі аргтэхніку, паперы. І, натуральна, Васіля. Калі яны ўжо нажруцца сваёй нянавісцю, сваёй помстай, сваім страхам?!» — напісаў у сваім фэйсбуку былы кіраўнік Аб'яднанай грамадзянскай партыі Анатоль Лябедзька.
Васіль — былы настаўнік гісторыі, звольнены з палітычных матываў. Шматразова ўдзельнічаў у розных палітычных кампаніях, нейкі час узначальваў Аб’яднаную грамадзянскую партыю.
За кратамі знаходзіцца некалькі актывістаў АГП. Напрыклад, 27 ліпеня 2022 года былі затрыманыя старшыня АГП Мікалай Казлоў і сябры партыі Аксана Аляксеева і Антаніна Кавалёва. Праз нейкі час яны атрымалі розныя тэрміны зняволення.
22 кастрычніка Аксана Аляксеева выйшла на волю.
Цяпер чытаюць
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім18
Каментары