Унікальны ліманарый у Батанічным адкрыты для наведвальнікаў на некалькі дзён
Цэнтральны батанічны сад у Мінску толькі на гэтыя вялікія выхадныя, з 4 па 7 лістапада, адкрыў для наведвальнікаў аранжарэю пладовых цытрусавых раслін.
Наведаць ліманарый «У рытме нон-стоп» можна з 11:00 да 15:00, паведамляе афіцыйны сайт саду.
Тут можна ўбачыць розныя сарты лімонаў, апельсінаў, мандарынаў, грэйпфрутаў і зрабіць на памяць атмасферныя фота. Сярэдняя працягласць наведвання — 20-30 хвілін.
Білет у ліманарый набываецца асобна на ўваходзе ў Цэнтральны батанічны сад. Патрапіць у аранжарэю можна праз фае галоўнага корпуса.
Як расказалі ў Цэнтральным батанічным садзе, цытрусы аказваюць спрыяльнае ўздзеянне на здароўе чалавека і ўмацоўваюць імунітэт. Не толькі плады гэтых раслін маюць гаючыя ўласцівасці, але і кветкі, і нават лісце. Водар цытрусавых станоўча ўплывае на арганізм чалавека і паляпшае настрой. Лісце цытрусавых утрымоўвае шмат фітанцыдаў і эфектыўна чысціць паветра ад хваробатворных мікробаў і вірусаў.
Ліманарый Батанічнага саду — адзіная ў Беларусі аранжарэя пладовых цытрусавых раслін. Тут сабрана каля 100 сартоў цытрусавых: 60 сартоў лімонаў, 15 сартоў апельсінаў, 10 сартоў мандарынаў і 10 сартоў грэйпфрутаў, а таксама такія рэдкія цытрусавыя, як кінканы (фартунела, кумкват), цытроны, каламандзіны (цытрафартунела).
«Наша Нiва» — бастыён беларушчыны
ПАДТРЫМАЦЬ
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс2121
«Калі Расія нападзе на NATO, Калінінград будзе знішчаны ў першыя ж гадзіны. Але могуць прайсці два тыдні, перш чым дадатковыя сілы прыбудуць у Літву» — генерал Бэн Ходжэс21
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары