Яго плошча складае 4 тысячы квадратных кіламетраў, што прыкладна ў 11 разоў больш за Мінск.
Найбуйнейшы ў свеце айсберг A23a пачаў рух пасля 37 гадоў на мелі, паведамляе расійская служба Радыё Свабода.
Плошча антарктычнага айсберга складае амаль чатыры тысячы квадратных кіламетраў, што прыкладна ў 11 разоў больш за Мінск. Апошнія спадарожнікавыя здымкі паказваюць, што глыба вагой каля трыльёна тон хутка дрэйфуе міма паўночнага ўскрайку антарктычнага паўвострава, чаму спрыяюць моцныя вятры і плыні.
A23a, на якім раней размяшчалася савецкая навуковая станцыя «Дружная-1», адкалоўся ад шэльфа і сеў на мель у 1986 годзе. Чаму цяпер ён прыйшоў у рух, дакладна невядома.
«Мабыць, з часам ён трохі змяншаецца і набыў дадатковую плавучасць. Гэта дазволіла яму адарвацца ад дна і трапіць у акіянічныя плыні», — кажа глацыёлаг Олівер Марш з Брытанскай антарктычнай службы.
Эксперты асцерагаюцца, што A23a зноў сядзе на мель ля вострава Паўднёвая Джорджыя, што можа стварыць праблему для антарктычных жывёл. Мільёны цюленяў, пінгвінаў і марскіх птушак размнажаюцца на востраве і кормяцца ў прылеглых да яго водах.
Зрэшты, не выключана, што A23a разваліцца на больш дробныя часткі, як гэта здарылася з яго папярэднікам A68.
Цяпер чытаюць
У Пецярбургу затрымалі коміка з Пінска. Ён тры гады хаваўся пасля прысуду за жарт пра міліцыянтку4
Каментары