У Расіі заявілі аб масіраванай атацы беспілотнікамі, у тым ліку па Маскве
Як паведамляе Мінабароны РФ, гэтай ноччу над Маскоўскай, Тульскай, Калужскай і Бранскай абласцямі СПА знішчыла 11 украінскіх дронаў. Мэр Масквы Сяргей Сабянін паведаміў пра спробу атакі беспілотнікамі па Маскве.
«На дадзены момант сіламі СПА збітыя БПЛА ў раёне Нара-Фамінска і Адзінцоўскай гарадской акругі, якія ляцелі на Маскву. Таксама СПА ўдалося перахапіць і знішчыць некалькі БПЛА ў Бранскай, Тульскай і Калужскай абласцях. Пацярпелых і сурʼёзных разбурэнняў папярэдне няма», — заявіў ноччу мэр Масквы.
Падмаскоўны губернатар Варабʼёў напісаў інакш: «У трох выпадках ёсць пашкоджанні будынкаў на зямлі, на шчасце, загінулых і пацярпелых няма». Ці сурʼёзныя пашкоджанні і што за будынкі, Варабʼёў не ўдакладніў.
Пазней зʼявілася відэа трапляння беспілотніка, магчыма, збітага СПА, у шматпавярховік на вуліцы Хварастухіна ў Туле.
Паводле інфармацыі расійскіх СМІ, ад выбуху пацярпелі тры чалавекі, якія атрымалі траўмы і парэзы. Жыхары некалькіх кватэр былі эвакуяваныя ў бліжэйшы дзіцячы сад.
Абноўлена. Яшчэ чатыры беспілотнікі над Бранскай, Смаленскай і Тульскай абласцямі былі збітыя СПА а 9:30, паведамілі ў Мінабароны РФ
Начная атака дронамі па Расіі здарылася на наступныя суткі пасля масіраванага ўдару расійскіх беспілотнікаў па Кіеве і Кіеўскай вобласці. Той удар украінскія ўлады назвалі самым маштабным з пачатку вайны — больш за 60 збітых дронаў.
Каментары
Самі расейцы збілі беспілотнік над шматпавярховікам.