У Беларусі з'явіцца новая імгненная латарэя. Вось толькі назва даволі нестандартная
У Беларусі вырашылі заснаваць новую рэспубліканскую латарэю «Страйк».
Ілюстрацыйнае фота: vikna.tv
Арганізатарам стане РУП «Нацыянальныя спартыўныя латарэі», вынікае з пастановы Мінспорту — дакумент апублікаваны на Нацыянальным прававым інтэрнэт-партале.
На прызы аддадуць 45-50% грошай, атрыманых ад продажу латарэйных білетаў
Правілы гульні наступныя:
- На гульнявым полі білета размешчаныя чатыры палі, схаваныя пад фарбай: тры палі «шары» і адно поле «кеглі».
- Удзельніку латарэі неабходна выдаліць ахоўны пласт з трох палёў «шары».
- Калі ў палях «шары» пазначаны розныя лікавыя надпісы, то латарэйны білет лічыцца нявыйгрышным.
- Калі ва ўсіх трох палях «шары» пазначаныя аднолькавыя лікавыя надпісы, то латарэйны білет выйграе грошы, якія адпавядаюць надпісу ў палях «шары».
- Пры тройчы паўтораным надпісе ў палях «шары» ўдзельнік латарэі на жаданне можа працягнуць гульню і выдаліць ахоўны пласт фарбы з поля «кеглі».
- Калі ў сцёртым полі «кеглі» паказаная лічба «0», то латарэйны білет лічыцца нявыйгрышным.
- Калі ў сцёртым полі «кеглі» паказаная лічба «1», то выйгрыш адпавядае надпісу ў палях «шары».
- Калі ў сцёртым полі «кеглі» паказаная лічба «2», то выйгрыш, адпаведны лікаваму надпісу ў палях «шары», павялічваецца ўдвая і г. д.
Вынеслі прысуд Паліне Зыль — блогерцы, якая стала нулявым пацыентам справы Гаюна, бо ў яе знайшлі тую самую спасылку ад Матолькі15
Каментары