Ад халоднага надвор'я церпяць і іншыя краіны Еўропы
У Польшчы 42 чалавекі загінулі ў мінулыя выходныя ад пераахалоджвання. Рэзкае пахаладанне(ад -15 днём да -20 ноччу) заспела знянацку перш за ўсё бяздомных.Паводле звестак паліцыі, менавіта яны склалі большасць ахвяр. Польскія паліцэйскія ў пошуку тых, каму можа быць патрэбна дапамога, рэгулярна патрулююць паркі і аглядаюць закінутыя будынкі.
Незвычайна халоднае надвор’е закранула і іншыя краіны Еўропы. У той час як у Польшчы нязначна халадней, чым звычайна зімой, у Іспаніі снег і галалёд – абсалютна незвыклая карціна. Пасля таго, як на мінулым тыдні надвор'е стала прычынай мноства аўтамабільных аварый, многія іспанцы вырашылі пакінуць свае машыны ў гаражах. Грамадскі транспарт таксама працуе з вялікімі змяненнямі ў раскладзе. У Германіі часткова адноўлена работа аэрапорта ў Дзюсельдорфе. Трэцяя па велічыні паветраная гавань краіны ў нядзелю была цалкам зачынена з-за снегападу і абледзянення. Праблемы і ў найбуйнейшым перасадачным аэрапорце Еўропы ў Франкфурце-на-Майне. За мінулыя суткі там было адменена больш за паўсотні рэйсаў.
Цяпер чытаюць
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары