Расійскі першы канал знайшоў замену Максіму Галкіну ў дзіцячым шоу. Гэта ўкраінка, якая адмовілася ад грамадзянства
Жанна Бадоева будзе весці дзіцячае шоу «Лепш за ўсіх!» на Першым канале, паведамілі РБК у прэс-службе тэлеканала.
Раней вядучым перадачы быў Максім Галкін, якога Мінюст Расіі прызнаў замежным агентам. Апошні на сённяшні дзень выпуск «Лепш за ўсіх!» выйшаў у студзені 2022 года.
Увосень 2023-га Першы канал размясціў на старонцы шоу «УКантакце» аб'яву аб пошуку ўдзельнікаў.
«Гэта будзе новы сезон! Вы можаце першымі трапіць на здымкі і пазнаёміцца з новым вядучым шоу», — гаварылася ў публікацыі.
Бадоева вяла праграму «Арол і рэшка» з першага па трэці сезоны (у першым сезоне сувядучым Бадоевай быў яе былы муж Алан Бадоеў). Яна таксама брала ўдзел у здымках юбілейнага дзясятага сезона. З лютага 2019 года яна вядзе на Першым расійскім канале тэлепраграму аб падарожжах «Жыццё іншых».
У пачатку 2019 года Бадоева распавяла, што адмовілася ад украінскага грамадзянства і валодае толькі італьянскім пашпартам. Яе муж — італьянскі бізнэсовец, ураджэнец Львова Васіль Мельнічын.
Максім Галкін пасля пачатку поўнамаштабнага ўварвання Расіі ва Украіну з'ехаў у Ізраіль разам з жонкай Алай Пугачовай і дзецьмі. З красавіка 2022 года аднавіў актыўную гастрольную дзейнасць за мяжой. У верасні 2022 года Мінюст прызнаў Галкіна замежным агентам.
Цяпер чытаюць
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1313
Каментары
Угадайте какой!?
Бабы Ягі?