Украіна за чатыры месяцы знішчыла 20% расійскага Чарнаморскага флоту — міністр абароны Вялікабрытаніі
Кіраўнік Міністэрства абароны Вялікабрытаніі Грант Шэпс 26 снежня пахваліў украінцаў за атаку на чарговы расійскі вайсковы карабель у Крыме. Пры гэтым ён заявіў, што гэтая ўдалая акцыя сведчыць пра адсутнасць тупіка на фронце.
«Гэта новае знішчэнне ваенна-марскога флоту Пуціна дэманструе, што тыя, хто мяркуе, што вайна ва Украіне зайшла ў тупік, памыляюцца!» — напісаў Грант Шэпс.
«Яны не заўважылі, што за апошнія 4 месяцы было знішчана 20% Чарнаморскага флоту Расіі. Дамінаванню Расіі ў Чорным моры цяпер кінуты выклік, і новая кааліцыя па марскім патэнцыяле, якую ўзначальваюць Вялікабрытанія і Нарвегія, дапамагае забяспечыць перамогу Украіны на моры», — заявіў брытанскі міністр.
У сваю чаргу, міністр абароны Украіны Рустэм Умераў заявіў, што хацеў бы «выказаць глыбокую падзяку» брытанскаму ўраду «за забеспячэнне базавай падрыхтоўкі ўкраінскіх пілотаў баявой авіяцыі».
«Украіна высока цэніць падрыхтоўку пілотаў, якую Вялікабрытанія і іншыя партнёры праводзяць, каб дапамагчы нам падрыхтавацца да эксплуатацыі F-16 ва Украіне. Гэта вельмі значны ўнёсак у міжнародную кааліцыю па нарошчванні патэнцыялу Ваенна-паветраных сіл Украіны», — дадаў украінскі міністр.
Чытайце таксама:
Апублікаваны здымак «Новачаркаска» пасля атакі УСУ. Зяленскі ў сувязі з гэтым патроліў расіян
Мінабароны РФ пацвердзіла пашкоджанні карабля «Новачаркаск» у порце Феадосіі
УСУ заявілі пра знішчэнне расійскага дэсантнага карабля «Новачаркаск» у Крыме
Цяпер чытаюць
«Муж сышоў з Сіплым і Малым». Імаверна, пад Краматорскам украінцы адным махам убайдосілі трох беларускіх наёмнікаў19
Каментары