Ukraina za čatyry miesiacy źniščyła 20% rasijskaha Čarnamorskaha fłotu — ministr abarony Vialikabrytanii
Kiraŭnik Ministerstva abarony Vialikabrytanii Hrant Šeps 26 śniežnia pachvaliŭ ukraincaŭ za ataku na čarhovy rasijski vajskovy karabiel u Krymie. Pry hetym jon zajaviŭ, što hetaja ŭdałaja akcyja śviedčyć pra adsutnaść tupika na froncie.
«Heta novaje źniščeńnie vajenna-marskoha fłotu Pucina demanstruje, što tyja, chto miarkuje, što vajna va Ukrainie zajšła ŭ tupik, pamylajucca!» — napisaŭ Hrant Šeps.
«Jany nie zaŭvažyli, što za apošnija 4 miesiacy było źniščana 20% Čarnamorskaha fłotu Rasii. Daminavańniu Rasii ŭ Čornym mory ciapier kinuty vyklik, i novaja kaalicyja pa marskim patencyjale, jakuju ŭznačalvajuć Vialikabrytanija i Narviehija, dapamahaje zabiaśpiečyć pieramohu Ukrainy na mory», — zajaviŭ brytanski ministr.
U svaju čarhu, ministr abarony Ukrainy Rustem Umieraŭ zajaviŭ, što chacieŭ by «vykazać hłybokuju padziaku» brytanskamu ŭradu «za zabieśpiačeńnie bazavaj padrychtoŭki ŭkrainskich piłotaŭ bajavoj avijacyi».
«Ukraina vysoka cenić padrychtoŭku piłotaŭ, jakuju Vialikabrytanija i inšyja partniory pravodziać, kab dapamahčy nam padrychtavacca da ekspłuatacyi F-16 va Ukrainie. Heta vielmi značny ŭniosak u mižnarodnuju kaalicyju pa naroščvańni patencyjału Vajenna-pavietranych sił Ukrainy», — dadaŭ ukrainski ministr.
Čytajcie taksama:
Apublikavany zdymak «Novačarkaska» paśla ataki USU. Zialenski ŭ suviazi z hetym patroliŭ rasijan
Minabarony RF paćvierdziła paškodžańni karabla «Novačarkask» u porcie Fieadosii
USU zajavili pra źniščeńnie rasijskaha desantnaha karabla «Novačarkask» u Krymie
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ1717
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ17
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary