Грамадства

Памёр Генрых Траццяк

На 87-м годзе пайшоў з жыцця Герой Сацыялістычнай Працы, былы старшыня калгаса імя Ламаносава Генрых Міхайлавіч Траццяк — чалавек, які бязмежна любіў сваю малую радзіму. З 2012 года Генрых Траццяк спрабаваў на сваю пенсію адрадзіць знакамітую сядзібу Бохвіцаў у Ляхавіцкім раёне, піша bar24.by.

Генрых Траццяк у 2015 годзе. Фота: Аляксандр Кораб

Генрых Траццяк працаваў старшынёй калгаса імя Ламаносава ў Ляхавіцкім раёне. Выйшаўшы на пенсію, ён купіў у 2012 годзе закінутую сядзібу Бохвіцаў у Флер'янове. Усяго за адну базавую велічыню. Тады ён прызнаўся, што ў гэтага месца асаблівая энергетыка, і яго трэба абавязкова захаваць.

Генрых Траццяк у 2015 годзе. Фота: Аляксандр Кораб

— Я браў сядзібу не для таго, каб займацца камерцыяй. Хочацца захаваць прыроду, пасаджаныя дубкі, архітэктуру, — распавядаў у 2015 годзе Генрых Траццяк. — Тут само паветра гаючае, яно і мяне лечыць ад усіх старэчых захворванняў.

Генрых Траццяк у 2015 годзе. Фота: Аляксандр Кораб

Дапамогі Генрых Міхайлавіч ні ў кога не прасіў, «толькі каб не перашкаджалі». Усё спрабаваў зрабіць саматугам.

Калісьці ў сядзібе размяшчалася праўленне калгаса імя Ламаносава, а Генрых Траццяк прапрацаваў тут 28 гадоў старшынёй. 

У 1997 годзе ён пайшоў на пенсію. Новы старшыня перавёў кантору ў іншы будынак. Сядзіба Флер'янова прастаяла безгаспадарнай 14 гадоў. Да пакупкі, яе рабавалі і ламалі вандалы. 

Генрых Траццяк кожны месяц выдаткоўваў на аднаўленне сядзібы 50% сваёй пенсіі.

Генрых Траццяк у 2015 годзе. Фота: Аляксандр Кораб

Чым знакамітая сядзіба ў Флер'янове

Сядзібу пабудаваў сын вядомага філосафа і пісьменніка Фларыяна Бохвіца — Ян Отан Бохвіц у названай тады вёсцы Паўлінава. Сам Ян Бохвіц быў выбітнай асобай, прайшоў Крымскую вайну, удзельнічаў у паўстанні 1863-1864 гадоў. Год адсядзеў у турме.

Сядзібу Ян атрымаў, калі вярнуўся на радзіму, у спадчыну ад свайго бацькі. У гонар яго ён пазней і назваў яе — Флер'янова. Пры перабудове ён разбіў вялікі парк вакол дома. Гэта стварала ўражанне, быццам сядзіба літаральна патанае ў лістоце. Будаўніцтва было скончана ў 1870 годзе.

На час лета гаспадар здаваў пакой. Сярод людзей, якія гасцявалі ў Яна Бохвіца, былі Рэйтаны, Радзівілы, Эліза Ажэшка, якая ў 1908 годзе выбрала гэтае месца для свайго адпачынку і шмат іншых. 

У 1915 годзе гаспадар Ян Бохвіц памёр, і маёнтак перайшоў да яго сына Тадэвуша. Тадэвуш вельмі захапляўся гісторыяй і журналістыкай. Ён сабраў шырокую бібліятэку, у якой, як сцвярджаюць гісторыкі, знаходзіліся экзэмпляры ўсіх часопісаў, якія выдаваліся на той момант ва ўсім свеце.

Каментары

Цяпер чытаюць

33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5

33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый

Усе навіны →
Усе навіны

Завербаваны ГРУ аферыст. Што за літовец рассылаў у ЕС пасылкі, якія загараліся4

У суботу пахаладае і будзе нават мокры снег і замаразкі

Крама «Суседзі» ў Слуцку сёння своечасова не адкрылася: работнікі зладзілі страйк8

Будзе амністыя да 80-годдзя Перамогі3

«Турэцкі акцёр» моцна закахаўся ў беларуску і паслаў ёй падарунак. Заведзена крыміналка3

Шайгу абвінаваціў Еўропу ў падрыхтоўцы да вайны з Расіяй да 2030 года8

Праваабаронцы: Чарговыя ператрусы ў Дзяржынску

Міністр абароны ЗША загадаў абсталяваць у Пентагоне пакой для макіяжу падчас абвешчанага скарачэння выдаткаў2

Ці расце злачыннасць пасля прыезду імігрантаў? Праверылі на прыкладзе Польшчы21

больш чытаных навін
больш лайканых навін

33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5

33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый

Галоўнае
Усе навіны →

Заўвага:

 

 

 

 

Закрыць Паведаміць