Па справе INeedHelpBY затрымалі 143 чалавекі. Кіраўнік ініцыятывы кажа, што з іх боку ўцечак інфармацыі не было
Кіраўнік праекта INeedHelpBY Філіп Гаўрышаў пракаментаваў масавыя затрыманні экс-палітвязняў і іх сваякоў. Ён сказаў, што ўзломаў сістэмы і ўцечак інфармацыі з боку праекта не было, а таксама даў парады, што рабіць у такой сітуацыі.
«Мы пацвярджаем, што падчас допыту ў часткі затрыманых пытаюцца, ці атрымлівалі яны прадуктовую дапамогу ад INeedHelpBY. У большасці выпадкаў людзей адпускаюць дадому праз адсутнасць падстаў для прыцягнення да адказнасці і доказаў узаемадзеяння з ініцыятывай.
Хочам яшчэ раз растлумачыць, як працуе наш праект. Галоўная задумка ў тым, што ніхто не атрымлівае дапамогу асабіста ад ініцыятывы. Беларусы, якія апынуліся ў цяжкай фінансавай сітуацыі, атрымліваюць дапамогу ад неабыякавых суайчыннікаў, якія жадаюць дапамагчы прадуктамі харчавання. Гэта значыць, фізічныя асобы аказваюць дапамогу іншым фізічным асобам добраахвотна з дабрачыннымі намерамі. Таму ўся атрыманая дапамога накіравана і атрымана не ад арганізацыі INeedHelpBY, а ад прыватных асоб — ад сяброў, прыяцеляў, знаёмых і землякоў; імі ж яна і была аплачана», — напісаў Філіп Гаўрышаў.
Ён таксама даў некалькі парадаў, што рабіць, калі да вас прыйшлі.
- 1. У першую чаргу выдаліць тэлеграм-бот ініцыятывы, бо яго ўключылі ў спіс экстрэмісцкіх матэрыялаў.
- 2. Настойваць на тым, што дапамогу атрымлівалі ад беларусаў, а не ад ініцыятывы.
- 3. Калі жадаеце выдаліць асабістыя даныя з сістэмы — напісаць у службу падтрымкі.
- 4. Адпісацца ад сацсетак INeedHelpBY.
- 5. Пачысціце кэш.
Тым часам кіраўнік «Байсол» Андрэй Стрыжак паведаміў, што вядома пра 143 факты затрымання падчас аблавы з 23 студзеня па сённяшні дзень.
Цяпер чытаюць
Пасля паездкі за межы ЕС таямніча знік Анатоль Котаў, былая правая рука Паўла Латушкі30
Каментары
- адпускаюць, не таму што нічога не знайшлі, а таму што людзі ўсё расказваюць - што атрымлівалі, калі і ад каго. А мэта - пакараць не тых хто атрымоўвае дапамогу, а тых хто яе адсылае
- Тое што фармальна ўсе чысценькія (адна фізічная асоба адсылае прадукты іншай і INeedHelp тут не пры чым) наўрадці дапаможа. Даўно ўжо нікога такія дробязі як закон не цікавяць