Pa spravie INeedHelpBY zatrymali 143 čałavieki. Kiraŭnik inicyjatyvy kaža, što ź ich boku ŭciečak infarmacyi nie było
Kiraŭnik prajekta INeedHelpBY Filip Haŭryšaŭ prakamientavaŭ masavyja zatrymańni eks-palitviaźniaŭ i ich svajakoŭ. Jon skazaŭ, što ŭzłomaŭ sistemy i ŭciečak infarmacyi z boku prajekta nie było, a taksama daŭ parady, što rabić u takoj situacyi.
«My paćviardžajem, što padčas dopytu ŭ častki zatrymanych pytajucca, ci atrymlivali jany praduktovuju dapamohu ad INeedHelpBY. U bolšaści vypadkaŭ ludziej adpuskajuć dadomu praz adsutnaść padstaŭ dla pryciahnieńnia da adkaznaści i dokazaŭ uzajemadziejańnia ź inicyjatyvaj.
Chočam jašče raz rastłumačyć, jak pracuje naš prajekt. Hałoŭnaja zadumka ŭ tym, što nichto nie atrymlivaje dapamohu asabista ad inicyjatyvy. Biełarusy, jakija apynulisia ŭ ciažkaj finansavaj situacyi, atrymlivajuć dapamohu ad nieabyjakavych suajčyńnikaŭ, jakija žadajuć dapamahčy praduktami charčavańnia. Heta značyć, fizičnyja asoby akazvajuć dapamohu inšym fizičnym asobam dobraachvotna z dabračynnymi namierami. Tamu ŭsia atrymanaja dapamoha nakiravana i atrymana nie ad arhanizacyi INeedHelpBY, a ad pryvatnych asob — ad siabroŭ, pryjacielaŭ, znajomych i ziemlakoŭ; imi ž jana i była apłačana», — napisaŭ Filip Haŭryšaŭ.
Jon taksama daŭ niekalki paradaŭ, što rabić, kali da vas pryjšli.
- 1. U pieršuju čarhu vydalić telehram-bot inicyjatyvy, bo jaho ŭklučyli ŭ śpis ekstremisckich materyjałaŭ.
- 2. Nastojvać na tym, što dapamohu atrymlivali ad biełarusaŭ, a nie ad inicyjatyvy.
- 3. Kali žadajecie vydalić asabistyja danyja ź sistemy — napisać u słužbu padtrymki.
- 4. Adpisacca ad sacsietak INeedHelpBY.
- 5. Pačyścicie keš.
Tym časam kiraŭnik «Bajsoł» Andrej Stryžak paviedamiŭ, što viadoma pra 143 fakty zatrymańnia padčas abłavy z 23 studzienia pa siońniašni dzień.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2020
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ20
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał44
Kamientary
- adpuskajuć, nie tamu što ničoha nie znajšli, a tamu što ludzi ŭsio raskazvajuć - što atrymlivali, kali i ad kaho. A meta - pakarać nie tych chto atrymoŭvaje dapamohu, a tych chto jaje adsyłaje
- Toje što farmalna ŭsie čyścieńkija (adna fizičnaja asoba adsyłaje pradukty inšaj i INeedHelp tut nie pry čym) naŭradci dapamoža. Daŭno ŭžo nikoha takija drobiazi jak zakon nie cikaviać