З 24 снежня па 3 студзеня ад халадавых траўм у Беларусі пацярпелі 145 чалавек, шпіталізаваны — 68. Дыягназ «пераахаладжэнне» быў пастаўлены 94 грамадзянам, «абмаражэнне» — 51. 10 чалавек замерзлі.
Пра гэта на прэс‑канферэнцыі 4 студзеня паведаміў начальнік аддзела арганізацыі медыцынскай аховы пры надзвычайных сітуацыях Міністэрства аховы здароўя Алег Панчук.
Галалёдныя траўмы атрымалі 1.493 чалавекі, 109 з іх шпіталізаваны.
У выніку выкарыстання піратэхнікі пацярпелі 15 грамадзян (год таму — 56), трое змешчаны ў бальніцы з паражэннем органаў зроку. Гэтыя тры няшчасныя выпадкі адбыліся ў Мінску.
Паводле інфармацыі намесніка старшыні камітэта па ахове здароўя Мінгарвыканкама Віктара Шэіна, у сталіцы за апошнія паўтара тыдні выпадкаў смерці ад халадавых траўм не было. Дыягназ «пераахаладжэнне» быў пастаўлены сямі грамадзянам, «абмаражэнне» — шасцярым.
171 чалавек у сталіцы атрымаў галалёдныя траўмы, 12 з пацярпелых шпіталізаваны.
Паводле слоў Віктара Шэіна, упершыню ў Мінску ў месцах правядзення масавых мерапрыемстваў не было зваротаў па медыцынскую дапамогу.
Цяпер чытаюць
«У капцюрох ГПУ». Стагоддзе небяспечнай наіўнасці і дарэмных мараў беларускай эміграцыі1
Каментары