Беларускія ўлады спадзяюцца купляць расійскі газ яшчэ танней пасля 2026 года
Пра планы расказаў пасол Беларусі ў Расіі Дзмітрый Круты.
Уладзімір Пуцін прымае ўдзел у цырымоніі запуску праекта Arctic LNG2, 20 ліпеня 2023 года. Фота: Konstantin Zavrazhin, Sputnik, Kremlin Pool Photo via AP
«Для Беларусі захоўваецца самая нізкая цана на прыродны газ, якая на сённяшні момант у 4 разы ніжэйшая за, дапусцім, узровень еўрапейскіх краін. Але яна, калі пераводзіць у расійскія рублі, вышэйшая за ўзровень расійскага рынку», — заўважыў Круты ў эфіры БТ.
Ён расказаў, што на Вышэйшым дзяржаўным савеце ў Санкт-Пецярбургу ў канцы студзеня былі падпісаны асноўныя напрамкі развіцця Саюзнай дзяржавы і там зафіксавана, што пасля 2026 года цана на газ будзе зніжацца.
«На працягу года пасля дасягнення газавых дамоўленасцяў у нас запрацуе аб'яднаны энергетычны рынак», — мяркуе пасол.
Цана расійскага газу для Беларусі — 128,52 даляра за тысячу кубаметраў. Выплаты робяцца ў расійскіх рублях.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары