Грамадства11

Юрыст каментуе, ці магчыма хутка стварыць сумесную з Расіяй базу «экстрэмістаў» і што гэта дасць

Чаго чакаць, калі Беларусь і Расія насамрэч аб'яднаюць спісы «экстрэмістаў» і «экстрэмісцкіх рэсурсаў»? Папрасілі адваката, спецыяліста па міжнародным прававым супрацоўніцтве ў крымінальных справах Алеся Міхалевіча пракаментаваць сённяшнюю заяву пасла Дзмітрыя Крутога.

Наколькі гэтыя абяцанні рэалістычныя? Міхалевіч мяркуе, што зрабіць так, як пагражае Круты, нескладана:

«Думаю, што з агульнай базай вялікіх праблем не будзе — гэта Беларусь з Расіяй ужо абкаталі на ўвядзенні сумеснай базы з забаронамі выездаў. Па выніках расіяне пад забаронай не могуць выязджаць праз Беларусь, гэтак жа і беларусы пад забаронай не могуць выехаць праз Расію».

Вынік такой агульнай базы «экстрэмізму» — тое, што стандарты горшай з краін будуць узаконеныя і ў Беларусі, і ў Расіі, лічыць Міхалевіч. Напрыклад, расійскі рэжым лічыць «экстрэмісцкай» ЛГБТ-супольнасць, а таксама надаў такі статус карпарацыі Meta, якая валодае Facebook, Instagram і WhatsApp. 

Акрамя агульнай базы, Дзмітрый Круты намякае і на агульныя крымінальныя справы. Маўляў, для некаторых грамадзян дзіўна, што на беларускіх «экстрэмістаў», якія збеглі ў Расію, не заводзяць крымінальныя справы ў РФ або наадварот.

Алесь Міхалевіч, аднак, лічыць гэта не надта магчымым — хіба што Беларусь юрыдычна апынецца ў складзе Расіі: «У крымінальным праве ўсё роўна дзейнічае прынцып дзяржавы, дзе здзяйсняецца тое ці іншае злачынства. Таксама будуць вялікія пытанні ў выпадку з беларускамоўнымі экстрэмісцкімі рэсурсамі — ці адрасаваныя яны да расіян?

Таму наўрад ці гэта будзе ўведзена, гэта вельмі цяжка рэалізаваць. Будзе немагчыма зрабіць гэта хутка і эфектыўна».

«Наша Нiва» — бастыён беларушчыны

ПАДТРЫМАЦЬ

Каментары1

  • Янка
    06.02.2024
    Проблема ёсць. А што рабіць з экстрэмісцкім тг-каналам спадара Суздальцава?

Цяпер чытаюць

Беларуска расказвае, як з 15 гадоў жыве з шызафрэніяй13

Беларуска расказвае, як з 15 гадоў жыве з шызафрэніяй

Усе навіны →
Усе навіны

Анколаг Каранік выступіў з дакладам аб захаванні буйной рагатай жывёлы14

Маладую мінскую юрыстку, якая цяпер займаецца дызайнам інтэр'ераў, асудзілі за ўдзел у пратэстах6

Таўро «Слава Расіі» на жываце ўкраінскага палоннага. Хто і навошта мог гэта зрабіць і ці можна яго вывесці?2

Учора вечарам і сёння раніцай у Беларусі назіраліся серабрыстыя аблокі1

На заробкі ў Польшчу цяпер толькі з ДНЖ? Разабраліся, хто можа працаўладкавацца там па новых правілах14

З-пад завалаў шматпавярховіка ў Кіеве ноччу дасталі яшчэ пяць целаў, колькасць загінулых дасягнула 21

У Беларусі пачынаюць прадаваць электракары за 20 900 рублёў. Але выглядаюць яны вельмі незвычайна2

Келаг плануе паездку ў Беларусь і сустрэчу з Лукашэнкам. Пры гэтым можа быць вызваленая група палітвязняў37

Вярхоўны лідар Ірана Хаменеі заклікаў да рашучых дзеянняў у дачыненні да Ізраіля

больш чытаных навін
больш лайканых навін

Беларуска расказвае, як з 15 гадоў жыве з шызафрэніяй13

Беларуска расказвае, як з 15 гадоў жыве з шызафрэніяй

Галоўнае
Усе навіны →

Заўвага:

 

 

 

 

Закрыць Паведаміць