Тэле– і радыёвядоўца Кацярына Пытлева, якой летам 2022 года дыягнаставалі рак малочнай залозы, падзялілася ў фэйсбуку навіной, што ў другой выдаленай грудзіне ў яе злаякасных клетак не знайшлося. Гэта дае надзею, што хваробу ўдалося канчаткова перамагчы.
«Важны дзень добрых навін. У другой выдаленай грудзіне ні клетачкі раку! Мне зрабілі ўнікальную аперацыю па рэканструкцыі, і цяпер па жаночай частцы раку вяртацца няма куды. Былі праблемы на аперацыі, але цяпер усё добра, і наперадзе вясна, рэабілітацыя, новыя працы, праекты і цудоўнае новае жыццё. Хочацца верыць, што гэта ўжо кропка ў #маявайна.
Канешне, лекі я буду піць яшчэ 5-7 год, але рызыкі ўжо не такія, як былі. Дзякуй усім, хто перажываў, падтрымліваў і дасылаў прамяні дабра, яны ўсе дайшлі. Я ззяю, як птушка фенікс. Пайшла несці гэтае святло і дабро ў свет. Цудоўнага дня, Чалавекі!» — радуецца журналістка.
Пра сваю хваробу Кацярына Пытлева паведаміла ў ліпені 2022 года. У яе была кепская спадчыннасць, бо па матчынай лініі было пяць выпадкаў захворвання на рак малочнай залозы. Таму Кацярына хацела дзеля прафілактыкі загадзя выдаліць абедзве грудзіны, але не паспела гэтага зрабіць і мусіла лячыцца ўжо пасля выяўлення хваробы.
Спачатку ёй выдалілі пухліну і прызначылі хіміятэрапію. Пазней Пытлева перанесла аперацыю па выдаленні другой грудзіны.
Цяпер чытаюць
Папулярную тыктокерку з Лунінца, якая ратавала бяздомных жывёлінаў, асудзілі за палітыку1
Каментары