Навучэнцы і выкладчыкі коласаўскага ліцэя сабраліся сёння каля свайго былога будынка на Кірава, 21, каб праспяваць гімн навучальнай установы. 15 студзеня Беларускі гуманітарны ліцэй імя Якуба Коласа адзначае 20-годдзе.
Навучэнцы і выкладчыкі коласаўскага ліцэя сабраліся сёння каля свайго былога будынка на Кірава, 21, каб праспяваць гімн навучальнай установы. 15 студзеня Беларускі гуманітарны ліцэй імя Якуба Коласа адзначае 20-годдзе.
«Мы збіраемся каля гэтага будынка сёння, бо менавіта 15 студзеня дваццаць гадоў таму мы ўпершыню ўвайшлі ў яго. Увайшлі не без праблем, не без змагання. Нас не хацелі сюды пускаць. Але мы ўсе разам адстаялі сваё права», — сказаў дырэктар ліцэя Уладзімір Колас.
Лявон Баршчэўскі прыгадаў, што ў той самы час, калі бацькі на чале са сп. Коласам занялі гэты будынак, ён разам з Анатолем Трусавым знаходзіўся ў кабінеце Вячаслава Кебіча. «Мы са сп. Трусавым зайшлі ў кабінет да прэм’ер-міністра Кебіча і сказалі, што трэба падпісваць паперу аб перадачы будынка. Тады акурат пачаліся тэлефанаванні, што будынак ужо занялі. І Кебіч падпісаў».
«Шлях ліцэя — шлях барацьбы за светлыя ідэалы. На гэтым шляху было рознае, але былі і слаўныя перамогі. Перамога была ў тым, што калі нас пазбавлі гэтага будынка, наш ліцэй не знік, ён працягвае існаваць, працягвае выконваць тую высокую задачу, якую мы паставілі. Вучыць нашых маладых беларусаў на беларускай мове і на ўзроўні сусветных стандартаў», — падсумаваў Уладзімір Колас.
Пасля ўсе разам праспявалі гімн ліцэя.
Цяпер чытаюць
Эйсмант: Лукашэнка не зможа паляцець на Саміт міру ў ЗША, бо паветраная прастора Еўропы для яго закрытая17
Каментары