Вайна

Украіна мае наземны дрон, які падрывае масты на Данбасе

Расказваем, што за ён і як сямейства такіх дронаў можа ўплываць на вайну.

RATSEL S
Самаходны комплекс RATSEL S, які падарваў мост на Данбасе. Фота: ratel.ukraine / instagram

У пачатку красавіка 2024 года міністр лічбавай трансфармацыі Украіны Міхаіл Фёдараў у сваім тэлеграм-канале апублікаваў відэа з падрывам мосту ў сяле Іванаўскае на Бахмуцкім напрамку. Міністр паведаміў, што гэта зрабіў дрон-камікадзэ Ratel S.

Відэа дэманструе, як беспілотнік едзе ўздоўж поля бою з рэшткамі падбітай тэхнікі і нырае ў адтуліну, якая вядзе пад мост. Пасля чаго відаць вялікі выбух.

Па словах міністра, вайскоўцы выкарыстоўваюць Ratel S як мабільную боегалоўку, якая нясе супрацьтанкавыя міны або баявы модуль. Дрон працуе дыстанцыйна: аператар можа з бяспечнага месца атакаваць танкі і бліндажы праціўніка.

Але гэта не адзіная функцыя гэтай серыі дронаў. Як адзначае яго вытворца, робат можа выкарыстоўвацца як камікадзэ, мінёр, перавозчык і эвакуатар ці служыць рэтранслятарам.

Дрон мае электраматор, які не стварае шуму. Ён можа перамяшчацца з максімальнай хуткасцю 24 км на гадзіну і працаваць без падзарадкі да дзвюх гадзін. Запас ходу дасягае 10 кіламетраў. Яго кіраванне ажыццяўляецца аператарам з пульта ў радыусе 1500 метраў ці 3 км з рэтранслятарам.

На борце дрона знаходзіцца камера для назірання і прамога кіравання ім.

Спецыялізаваная версія Ratel S у версіі камікадзэ прызначана спецыяльна для паражэння фартыфікацый, інжынерных збудаванняў і бранятэхнікі.

Пры вазе 60 кг гэты робат здольны несці карысную нагрузку масай да 35 кілаграмаў. Гэта могуць быць навясныя зарады, усталяваныя на верхняй частцы корпуса дрона.

Ratel S з'яўляецца мадыфікацыяй наземнага беспілотніка Ratel М — грузавога калёснага дрона, які першапачаткова ствараўся для падвозу боепрыпасаў і вады для ваенных, а таксама эвакуацыі параненых з поля бою.

Ratel М падымае вагу да 250 кг, можа працаваць ад акумулятара 8 гадзін улетку або 5 гадзін узімку. Максімальная дальнасць кіравання складае 6 км. Поўны прывад і вялікія колы дазваляюць дрону пераадольваць перашкоды на шляху.

Акрамя таго, на самаходную платформу можна ўсталяваць абсталяванне для размініравання супрацьпяхотных мін, што робіць больш бяспечнай працу сапёраў на полі бою.

І гэта яшчэ не ўсё. Інжынеры навучылі Ratel M збіваць расійскія FPV-дроны.

Акрамя лёгкіх дронаў, кампанія-вытворца таксама вырабляе цяжкія колавыя дроны Ratel H, здольныя транспартаваць да 1400 кілаграмаў грузу.

Яны прызначаны для шматмэтавага выкарыстання: транспарціроўка грузаў ці боепрыпасаў на пазіцыі, эвакуацыі параненых. Таксама на самаходную платформу можна ўстанавіць дадатковыя тэхнічныя сродкі, напрыклад, РЭБ абмежаванай дальнасці.

Чытайце яшчэ:

Украіна зможа атакаваць Урал і Запаляр'е. Дроны ўжо на падыходзе

Расія з-за санкцый не спраўляецца рамантаваць НПЗ, пашкоджаныя Украінай

Украінскія дальнабойныя дроны маюць сістэму навядзення як у крылатых ракет

Каментары

Цяпер чытаюць

Маштабны збой у трох беларускіх банках: з рахункаў знікаюць грошы3

Маштабны збой у трох беларускіх банках: з рахункаў знікаюць грошы

Усе навіны →
Усе навіны

Сто гадоў таму святар-беларус трапіў у Польшчу па абмене палітвязнямі. Цяпер беларусы адшукалі яго магілу2

«Ціханоўскі нам вярнуў самае галоўнае пытанне». Пра што кажа Чалы?41

Да 1 лістапада штрафаваць за парушэнне новых правіл маркіроўкі тавараў не будуць1

Малады, але вопытны слуцкі барсетачнік стаміўся жыць дома па законе — паехаў ваяваць за Расію і знік у штурме9

У Расіі заявілі пра намер стварыць свой аналаг колішняга амерыканскага USAID1

Махляр пры дапамозе ШІ выдаў сябе за Марка Рубіа і звязаўся з трыма міністрамі замежных спраў1

У італьянскім аэрапорце мужчыну засмактала ў рухавік самалёта1

«Не хацеў бы памерці на здымачнай пляцоўцы». Майкл Дуглас сыходзіць з кіно1

«Мала што ў інтэрнэце пішуць». Выкладчык, якога абвінавацілі ў дамаганнях, працягне працаваць у ансамблі «Белая Русь»15

больш чытаных навін
больш лайканых навін

Маштабны збой у трох беларускіх банках: з рахункаў знікаюць грошы3

Маштабны збой у трох беларускіх банках: з рахункаў знікаюць грошы

Галоўнае
Усе навіны →

Заўвага:

 

 

 

 

Закрыць Паведаміць