«Дзе мараль?» Расійскі вайсковец вярнуўся ў родную Бурацію, а яго дом разрабавалі. Скралі нават унітаз
У гэтай гісторыі сімвалічна ўсё. Сюжэт «з мараллю» пра добраахвотніка з Бураціі выпусціла тэлекампанія АТВ дзень таму.
Расійскі вайсковец, які адправіўся добраахвотнікам на вайну ва Украіну, прыехаў у адпачынак у родную Бурацію і пабачыў, што ў ягоную адсутнасць злодзеі абнеслі дом.
У доме — разруха, усе раскідана, рабаўнікі зламалі канапу, кнігі з хатняй бібліятэкі папалілі, сарвалі цёплую падлогу, скралі машыну, генератар, інструменты і вынеслі нават унітаз. Таксама скралі жончыну і дзіцячую вопратку — дзецям цяпер няма што апранаць. І нават ён сам ходзіць у чым ёсць — пераапранацца няма ўва што.
«Па вялікім рахунку, у доме не засталося амаль нічога», — кажа мужчына.
Агульную шкоду ад рабавання мужчына ацэньвае больш чым 1 млн расійскіх рублёў (каля 10 тысяч долараў).
Мужчына дзівіцца, навошта ўжо злодзеі скралі ўнітаз. Між тым, менавіта крадзеныя ўнітазы сталі сімвалам расійскага ўварвання ва Украіну.
Але гэта не ўсё. Мужчыну сімвалічна клічуць Аляксандр Сувораў.
У канцы сюжэта ён задае пытанне пра мараль.
«Адзін момант цікавіць: дзе мараль? Гэта значыць, я зʼязджаю добраахвотнікам, ваюю ў чужой краіне… Я на чужой зямлі літаральна кроў сваю праліваю за свой народ, за сваю рэспубліку, гэта значыць, за жыхароў нашай Бураціі, а па вяртанні адтуль выяўляю, што ў мяне з дома зганяюць машыну і чысцяць яго. То-бок, дзе мараль?» — задаецца пытаннем акупант-добраахвотнік.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3838
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі38
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4646
Каментары