Культура44

У Навагрудку адкрылі для наведвальнікаў старажытную крыпту ФОТА

Вось што там можна пабачыць.

Крыпта пад касцёлам Святога Міхаіла Арханёла. Фота: фэйсбук-старонка святара Юрыя

Урачыстае адкрыццё крыпты Святога Дамініка і біскупа Віта пад касцёлам Святога Міхаіла Арханёла адбылося ў суботу 27 красавіка. Цяпер кожны наведвальнік Навагрудка можа пабываць у гэтым старажытным месцы і такім чынам дакрануцца да багатай гісторыі краю.

Крыпта пад касцёлам Святога Міхаіла Арханёла. Фота: фэйсбук-старонка святара Юрыя
Крыпта пад касцёлам Святога Міхаіла Арханёла. Фота: фэйсбук-старонка святара Юрыя

Крыптай у хрысціянстве называецца падземная частка храма, размешчаная звычайна пад алтаром, якая служыла для ганаровых пахаванняў. 

Навагрудская крыпта знаходзіцца ў найстарэйшай частцы касцёла, дзе ёсць пахаванні айцоў дамініканцаў і сям’і фундатараў касцёла з роду Хадкевічаў.

Працы па падрыхтоўцы крыпты касцёла, яе ачышчэнні і прывядзенні да ладу доўжыліся тры гады. 

Урачыстае адкрыццё крыпты. Фота: фэйсбук-старонка святара Юрыя

Адкрыццё крыпты для наведвальнікаў было прымеркавана да юбілею 400-годдзя касцёла Святога Арханёла Міхала, які адзначаецца сёлета. Урачыстасць узначаліў біскуп-намінат Уладзімір Гуляй.

Пры ўваходзе ў крыпту. Фота: фэйсбук-старонка святара Юрыя

У доўгім памяшканні, перакрытым цыліндрычным цагляным скляпеннем, маецца невялікая экспазіцыя, прысвечаная гісторыі горада і святыні. Пры ўваходзе наведвальнікаў сустракае скульптура Хрыста ў роздуме.

Павел Татарнікаў са сваёй працай. Фота: фэйсбук-старонка святара Юрыя
Экспазіцыя крыпты. Фота: фэйсбук-старонка святара Юрыя

Уздоўж сцен выстаўлены графічныя творы Паўла Татарнікава, якія рэканструююць арыгінальны выгляд старажытнага беларускага горада з розных ракурсаў.

Каштоўнае касцельнае начынне ў нішах крыпты. Фота: фэйсбук-старонка святара Юрыя
Ніша з трунамі Хадкевічаў. Фота: фэйсбук-старонка святара Юрыя

У вялікіх бакавых нішах, які раней служылі для пахаванняў, сёння за шклом выстаўлена каштоўнае касцёльнае начынне і абразы. У адной з нішаў — герб Хадкевічаў «Касцеша» і некалькі трунаў, у якіх сабраныя парэшткі фундатараў.

У дальнім канцы, перад алтаром крыпты, скульптура арханёла Міхаіла, які забівае змея, тытульнага святога храма і заступніка Навагрудка. Летась на касцельным падворку таксама паставілі 7-метровую калону са скульптурай святога.

«Наша Нiва» — бастыён беларушчыны

ПАДТРЫМАЦЬ

Каментары4

  • Максим Дизайнер
    30.04.2024
    падвойныя стандарты

    Так у верующих понятно почему закрытые гробы не закопаны. И бюсты Хадкевичей не стоят у каждого совка на столе. А портрет вашей мумии немецкого политрука с открытым гробом до сих пор вместо икон у многих на стенке красуется. Вместе с его усатым товаГищем Джугашвили. 
  • падвойныя стандарты
    30.04.2024
    "Так у верующих понятно почему закрытые гробы не закопаны."
    ну і чаму? вось мне незразумела. дык чаму? патлумачце.
  • дочка Максима Дизайнера
    30.04.2024
    а што наконт гэтага - Рим. Мумии в соборе Святого Петра. https://sindzidaisya.livejournal.com/287260.html - скажа Дизайнер ?

Былы памочнік Лукашэнкі Ігар Брыло прызнаў, што набраў хабараў на $2 мільёны10

Былы памочнік Лукашэнкі Ігар Брыло прызнаў, што набраў хабараў на $2 мільёны

Усе навіны →
Усе навіны

У Крыме ўпершыню знішчаны два расійскія самалёты-амфібіі Бе-12 — ГУР

Міністр абароны Ізраіля: Палесцінскай дзяржавы ніколі не будзе10

«Не можам трапіць у Беларусь». Утварылася чарга на латвійскай мяжы, аўтобусы стаяць з вечара4

На вайне загінуў польскі паліцэйскі, які ваяваў на баку Расіі5

«Ты села ў турму і не падумала пра мяне». Ларыса Шчыракова пра пачуццё віны перад сынам4

Кіраўнік БРСМ стаў галоўным ідэолагам Мінска4

Будаўніцтва метро ў Шабаны палічылі немэтазгодным?

Сталі вядомыя новыя дэталі ў маштабнай справе арганізатараў канцэртаў5

Пашырэнне метро, знос старой забудовы. Падвялі вынікі абмеркавання новай рэдакцыі генплана Мінска1

больш чытаных навін
больш лайканых навін

Былы памочнік Лукашэнкі Ігар Брыло прызнаў, што набраў хабараў на $2 мільёны10

Былы памочнік Лукашэнкі Ігар Брыло прызнаў, што набраў хабараў на $2 мільёны

Галоўнае
Усе навіны →

Заўвага:

 

 

 

 

Закрыць Паведаміць