Грамадства2121

Сілавікі затрымалі семярых падлеткаў, якіх вінавацяць у тэрарызме і здрадзе дзяржаве

На АНТ выпусцілі фільм пра падлеткаў, якіх нібыта завербавала СБУ.

Марыя Місюк. Скрын відэа АНТ

Як сцвярджае прапаганда, падлеткі аб’ядналіся, каб рабіць дыверсіі па наводцы ў Беларусі, а пасля і ў Расіі. Праўда, адзіныя іх праведзеныя акцыі, якія згадваюць у фільме, — расклейванне ўлётак.

Групу сабрала дзяўчынка-падлетак з Украіны Марыя Місюк. Яна з бацькамі пераехала ў Беларусь пасля пачатку вайны ў 2022-м. Марыя вучылася ў мастацкім каледжы ў Міры. Прапаганда называе яе камандзірам тэрарыстычнай ячэйкі «Чорныя салаўі» і сцвярджае, што за ёй стаяла СБУ. 

Схема групы, паказаная прапагандай. Скрын відэа АНТ

У групе было яшчо 5 чалавек: Сяргей Жыгалёў, Трафім Барысаў, Дзмітрый Захарошка, Анастасія Кліменка, Аляксандра Пуліновіч. Яны вучыліся ў каледжах у Мінску, Нясвіжы, Баранавічах, Лунінцы.

18-гадовы Трафім Барысаў. Скрын відэа АНТ

Як сцвярджае прапаганда, маладзёны збіраліся на баранавіцкай кватэры, каб падрыхтавацца да сваёй першай сур’ёзнай акцыі — сабраць выбухоўку і ўзарваць баранавіцкае аддзяленне міліцыі ці пракуратуру.

Марыю Місюк абвінавачваюць па ч. 2 арт. 289 (акт тэрарызму).

Якое абвінавачанне выставілі іншым падлеткам, не паведамляецца. Таксама не зразумела, ці затрыманая цяпер Аляксандра Пуліновіч.

19-гадовы Сяргей Жыгалёў. Скрын відэа АНТ

Таксама ў сюжэце «Дзеці на прыцэле» расказваецца некалькі паралельных гісторый. Адна з іх — пра затрыманага Данііла Гарасіма. 19-гадовы хлопец абвінавачваецца па ч. 1 арт. 356 (здрада дзяржаве). У фільме расказваецца, што яму далі заданне з’ездзіць у Асіповічы і зняць ракетна-артылерыйскую брыгаду 29 снежня 2023 года. Але адметна, што з першага ж задання сілавікі рабілі аператыўную здымку — узнікае пытанне, ад каго ж тое заданне паступіла.

Данііл Гарасім. Скрын відэа АНТ

Чарговая паралельная лінія — гісторыя Станіслава Шапеля. Ён, як сцвярджаецца, пагадзіўся быць кур'ерам, перапраўляць грошы. Таксама хлопец запісваў відэа, што супраць Пуціна і падтрымлівае Украіну. Мяркуючы па форме і бірцы, Станіслаў ужо адбывае пакаранне.

Станіслаў Шапель

Ёсць і чацвёртая гісторыя — студэнт БНТУ Сямён Васілевіч і яго сябар, якога так і не прадставілі. Яны нібыта выраблялі выбухоўку.

Сямён Васілевіч

Каментары21

  • Просто поверь
    29.04.2024
    Ничто не будет забыто, каждому продажному менту выпишут таблетку от коммунизма
  • Не верим
    29.04.2024
    Сказки геюшки Ивана
    Вам лапши на два кармана
    Если сильно голодны
    можем рассказать про сны

  • М
    29.04.2024
    Гонар і годнасць нашае краіны
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Гурт «Дразды» вінаваціць у сваім пакіданні сцэны «гіперактыўных блогераў»

Гурт «Дразды» вінаваціць у сваім пакіданні сцэны «гіперактыўных блогераў»

Усе навіны →
Усе навіны

ДАІ будзе выкарыстоўваць новыя камеры ў Мінску — для кантролю спынення і стаянкі1

Мінскую Серабранку чакаюць маштабныя змены3

Экс-палітвязень расказаў, як атрымаў мікраінфаркт падчас суда1

Мужчыну забіла маланка ў Столінскім раёне

«Гэта шлях адзіночкі». Беларус большую частку жыцця праводзіць у вандроўках — наведаў ужо амаль 500 аб’ектаў ЮНЕСКА17

Ізраіль перахапіў судна з Грэтай Тунберг, якое ішло ў Газу5

Каля Драздоў прадаецца дом за $2,5 мільёна5

На абедзе Лукашэнкі і Сі Цзіньпіна прысутнічала і адзіная дачка кітайскага лідара17

Андрэй Павук прыйшоў на прайд у Вільні ў форме міліцыянта з чырвона-зялёным сцягам. Чаму?49

больш чытаных навін
больш лайканых навін

Гурт «Дразды» вінаваціць у сваім пакіданні сцэны «гіперактыўных блогераў»

Гурт «Дразды» вінаваціць у сваім пакіданні сцэны «гіперактыўных блогераў»

Галоўнае
Усе навіны →

Заўвага:

 

 

 

 

Закрыць Паведаміць