У сутыкненні маршруткі і трактара ў Бабруйскім раёне пацярпелі 13 чалавек, двое ў рэанімацыі
Міністэрства аховы здароўя выдала прэс-рэліз па выніках ДТЗ ў Бабруйскім раёне, дзе маршрутка, поўная пасажыраў, сутыкнулася з трактарам МТЗ.
Паводле паведамлення спецыялістаў Рэспубліканскага цэнтра медыцынскага рэагавання Мінздароўя, у выніку ДТЗ 13 з 17 пасажыраў звярнуліся па медыцынскую дапамогу.
Двое пацярпелых пасля аказання першай дапамогі самастойна паехалі ў Рэчыцу, а 11 звярнуліся ў Бабруйскую бальніцу хуткай медыцынскай дапамогі і ў Бабруйскую цэнтральную бальніцу.
У выніку ў гэтыя бальніцы былі шпіталізаваныя 10 пацярпелых — два ў рэанімацыі, 8 у аддзяленні. 11-ы пасажыр пасля агляду і рэкамендацый адпраўлены на амбулаторны этап лячэння.
Аварыя адбылася сёння каля 15.00 на аўтадарозе Бабруйск — Мазыр паблізу вёскі Брожка Бабруйскага раёна. Кіроўца маршрутнага таксі Mercedes-Benz Sprinter, 32-гадовы мужчына, сутыкнуўся з трактарам МТЗ, які рухаўся наперадзе ў тым жа кірунку і рабіў паварот налева.
Цяпер чытаюць
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2727
Каментары
Ты кепскі прэзыдэнт, мы знойдзм такога, хто забароніць ам маршруткі, цукар і мяса і зраўняе акцыз на цыгарэты з Эўрапэйскім!