Польшча накіруе на мяжу з Беларуссю вайскоўцаў з баявым досведам у Афганістане, Іраку і Косаве
Памежнікі адзначаюць, што групы мігрантаў атрымліваюць новае абсталяванне.
Польшча накіруе на мяжу з Беларуссю салдат і паліцэйскіх з баявым досведам у Афганістане, Іраку і Косаве.
Пра гэта распавёў міністр нацыянальнай абароны Уладзіслаў Касіняк-Камыш. Паводле яго слоў, групы мігрантаў, якія спрабуюць штурмаваць мяжу з боку Беларусі, атрымалі новае абсталяванне і цяпер больш небяспечныя, чым былі раней, піша wnp.pl.
«Гэта арганізаваныя групы, падкантрольныя Беларусі або Расійскай Федэрацыі, абсталяваныя тэхнікай, якая пагражае жыццю і здароўю. Гэта выглядае зусім інакш, чым у першыя тыдні, месяцы ці нават гады спробаў перасекчы польска-беларускую мяжу», — адзначыў Касіняк-Камыш.
Паводле яго слоў, мігранты змянілі тактыку, і польскім сілавікам неабходна зрабіць захады, у тым ліку прафілактычныя.
«Адсюль увод дадатковых сіл. Гэта не толькі салдаты і камандас пасля місій у Афганістане і Іраку, але перш за ўсё салдаты і паліцыянты пасля місій у Косаве», — распавёў міністр.
Касіняк-Камыш адзначыў, што салдаты на мяжы атрымалі новы, больш сучасны і надзейны рыштунак, а таксама дадатковую тэхніку, у тым ліку бронетранспарцёры.
-
Стала вядома, каму належыць вытанчанае французскае бістро ў Мінску. Вам не спадабаецца
-
У Польшчы прадставілі яшчэ адзін законапраект аб грамадзянстве: 15 гадоў жыцця ў краіне, польская на ўзроўні С1 і даведка аб несудзімасці на радзіме
-
«Мельнікава не абавязкова агентка КДБ, яна можа быць ахвярай. А Лабееў яе купіў тым, што назваўся адзінокім бацькам з дзецьмі»
Каментары