Polšča nakiruje na miažu ź Biełaruśsiu vajskoŭcaŭ z bajavym dośviedam u Afhanistanie, Iraku i Kosavie
Pamiežniki adznačajuć, što hrupy mihrantaŭ atrymlivajuć novaje abstalavańnie.
Polšča nakiruje na miažu ź Biełaruśsiu sałdat i palicejskich z bajavym dośviedam u Afhanistanie, Iraku i Kosavie.
Pra heta raspavioŭ ministr nacyjanalnaj abarony Uładzisłaŭ Kasiniak-Kamyš. Pavodle jaho słoŭ, hrupy mihrantaŭ, jakija sprabujuć šturmavać miažu z boku Biełarusi, atrymali novaje abstalavańnie i ciapier bolš niebiaśpiečnyja, čym byli raniej, piša wnp.pl.
«Heta arhanizavanyja hrupy, padkantrolnyja Biełarusi abo Rasijskaj Fiederacyi, abstalavanyja technikaj, jakaja pahražaje žyćciu i zdaroŭju. Heta vyhladaje zusim inakš, čym u pieršyja tydni, miesiacy ci navat hady sprobaŭ pierasiekčy polska-biełaruskuju miažu», — adznačyŭ Kasiniak-Kamyš.
Pavodle jaho słoŭ, mihranty źmianili taktyku, i polskim siłavikam nieabchodna zrabić zachady, u tym liku prafiłaktyčnyja.
«Adsiul uvod dadatkovych sił. Heta nie tolki sałdaty i kamandas paśla misij u Afhanistanie i Iraku, ale pierš za ŭsio sałdaty i palicyjanty paśla misij u Kosavie», — raspavioŭ ministr.
Kasiniak-Kamyš adznačyŭ, što sałdaty na miažy atrymali novy, bolš sučasny i nadziejny ryštunak, a taksama dadatkovuju techniku, u tym liku bronietransparciory.
-
Łukašenka na pieramovach u Amanie ŭstaviŭ takoje słova, što pierakładčyca na arabskuju razhubiłasia
-
U Lidzie pabralisia šlubam 15‑hadovyja chłopiec i dziaŭčyna. Samaj maładoj mamie Hrodzienščyny taksama 15
-
«U płanie byli jašče niekalki krain». Maršrut Łukašenki składali tak, kab nie nadta biła pa zdaroŭi
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy27
Kamientary