У Жыткавіцкім раёне жанчына з дзіцем трапілі ў рэанімацыю пасля сустрэчы з ласём
ДТЗ у Жыткавіцкім раёне адбылося позна ўвечары 13 чэрвеня. Лось выскачыў на дарогу і трапіў пад машыну. Яе пасажыры атрымалі сур'ёзныя траўмы і іх давялося шпіталізаваць, расказалі ва УУС Гомельскага аблвыканкама.
ДТЗ адбылося 13 чэрвеня каля 22:20 вечара на 294 км аўтадарогі М-10 «Мяжа РФ — Гомель — Кобрын».
Паводле папярэдніх звестак, 25-гадовы кіроўца «Опель Вектра» ехаў з боку Мікашэвічаў у напрамку Жыткавічаў. У зоне дзеяння знака «Дзікія жывёлы» ён збіў лася, які раптам выбег на праезную частку перад аўто.
Жывёліна загінула на месцы, а двое пасажыраў легкавіка — 34-гадовая жанчына і яе 6-гадовая дачка, — дастаўленыя ў рэанімацыю з рознымі траўмамі.
Каментары