Маладога айцішніка з Глуска асудзілі на велізарны тэрмін за данаты
Аляксандру Максімовічу пагражала да 20 гадоў калоніі.
Аляксандру Максімовічу 28 гадоў. Згодна з базамі «Кіберпартызанаў», родам ён з Глуска, невялікага райцэнтра ў Магілёўскай вобласці. Пасля заканчэння школы паступіў у Беларускі дзяржаўны ўніверсітэт інфарматыкі і радыёэлектронікі на спецыяльнасць «Інфармацыйныя сістэмы і тэхналогіі ў лагістыцы». Пасля сканчэння пайшоў у магістратуру.
Невядома дакладна, дзе працаваў Аляксандр, але, мяркуючы па звестках са злітых базаў — у сферы IT.
Дата затрымання мужчыны невядомая. Суд над ім пачаўся каля трох месяцаў таму, а скончыўся 30 мая 2024 года. Максімовіча абвінавачвалі ў «фінансаванні дзейнасці экстрэмісцкага фарміравання» (арт. 361-2 КК) і «фінансаванні тэрарыстычнай дзейнасці» (ч. 2 арт. 290-1 КК).
Максімовічу пагражала ад васьмі да дваццаці гадоў калоніі. Дакладны прысуд пакуль невядомы.
«Наша Нiва» — бастыён беларушчыны
ПАДТРЫМАЦЬ
Стала вядома, дзе працуе фаварытка Лукашэнкі Уладлена Зайцава19
Каментары