Грамадства1313

«Белсат» перастане быць самастойнай адзінкай у структуры TVP

Кіраўніцтва Польскай тэлевізіі анансавала вялікія змены ў працы сваіх замежных рэдакцый, у ліку якіх ёсць «Белсат» і яго рускамоўны філіял «Вот так». Якая будучыня чакае тэлеканал?

Фота: belsat.eu

Кіраўніцтва польскай тэлекампаніі TVP World заявіла аб хуткім стварэнні «Цэнтра замежных тэлепраграм», які возьме пад кантроль усе рэдакцыі і антэны, якія транслююць навіны на замежных мовах, піша Gazeta Prawna.

Цяпер «Белсат» — самастойнае падраздзяленне ў складзе TVP, нароўні з TVP World. Пасля зменаў тэлеканал увойдзе ў структуру, якая будзе падпарадкоўвацца TVP World. Гэта значыць, стане менш аўтаномным.

«Акрамя «Белсата» і «Вот так», будзе таксама створаная ўкраінскамоўная рэдакцыя, якая пачне працу 1 сакавіка 2025 года. На кожную з рэдакцый будзе выдаткавана па 6 гадзін вяшчання штодзень», — распавёў кіраўнік TVP World Міхал Бранятоўскі.

Бранятоўскі пры гэтым падзякаваў «Белсат» за яго дасягненні ў барацьбе за незалежнасць Беларусі і адзначыў, што новыя правілы не маюць на ўвазе знікненне «Белсата».

Польскі МЗС у сваю чаргу запэўніў, што фінансаванне замежных рэдакцый, у тым ліку «Белсата», застанецца нязменным.

Нагадаем, што праблемы ў «Белсата» ўзніклі з прычыны рэформы грамадскіх СМІ ў Польшчы, у тым ліку тэлекампаніі TVP.

Сітуацыя стала вынікам змены кіраўніцтва Польскай тэлевізіі. Кадравыя перастаноўкі ініцыявала новая ўлада, што прыйшла пасля парламенцкіх выбараў. Быў таксама звольнены менеджмент Польскага радыё і Польскай агенцыі друку.

Сярод звольненых аказалася і Агнешка Рамашэўская-Гузы, якая 17 год кіравала «Белсатам» на пасадзе дырэктаркі. Пры гэтым ёй нібыта спярша прапанавалі звольніцца па ўласным жаданні і «з залатым парашутам», то-бок на вельмі добрых умовах, але жанчына на гэта не пагадзілася.

Кіраўніком «Белсата» цяпер стаў Аляксей Дзікавіцкі. 

Каментары13

  • *
    04.07.2024
    То бок ад Белсата застанецца толькі 6 гадзін ) М-дя
    Ну але яны ж канешне не супраць
  • Так
    04.07.2024
    Хапала беларусаў новай хвалі эміграцыі, якія вельмі востра выступалі супраць мінулага ўраду і за новы (бо новы, бо модна, бо нешта недзе пачулі і так далей). Асабліва сталічныя. Некаторыя нават параўноўвалі сітуацыю ў Польшчы да беларускай са словамі аб дыктатуры, што ўвогуле абсурд у квадраце. І прыблізна тыя самыя вельмі непрыстойна, часта хамавата ды не менш эмацыйна крытыкавалі пані Агнешку Рамашэўскую ды хвалілі змены ў Белсаце і з TVP.

    Вось, калі ласка.

    Дарэчы, здаецца ніводнае "свабоднае" беларускай СМІ не апублікавала артыкул аб падтрымцы пані Ангнешкі з боку польскіх журналістаў і экспертаў ад г.зв. усходняй тэматыкі.
  • Лявоніха
    04.07.2024
    А як жа Белсат аблізваў Ціханоўскую. Пераплюнулі нават НН з яе "Прэзідэнтам-электам". У іх яна дагуть "Абраная Прэзідэнтка". Колькі сустрэчаў з Дудам-Тускам-Сікорскім - усё пшык.
    Можа, хоць грошы прымусяць задумацца, а ці не варта лепш працаваць на беларусаў, а не ствараць гэты сюрэалізм.
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларуска расказвае, як з 15 гадоў жыве з шызафрэніяй19

Беларуска расказвае, як з 15 гадоў жыве з шызафрэніяй

Усе навіны →
Усе навіны

Адвакат латвійскага баскетбаліста Цімы: З расійскага морга яго аддалі голым, без грыму і бальзамацыі1

На працягу двух сутак ЗША прымуць рашэнне аб магчымым далучэнні да ваенных дзеянняў супраць Ірана6

Анколаг Каранік выступіў з дакладам аб захаванні буйной рагатай жывёлы14

Маладую мінскую юрыстку, якая цяпер займаецца дызайнам інтэр'ераў, асудзілі за ўдзел у пратэстах7

Таўро «Слава Расіі» на жываце ўкраінскага палоннага. Хто і навошта мог гэта зрабіць і ці можна яго вывесці?2

Учора вечарам і сёння раніцай у Беларусі назіраліся серабрыстыя аблокі1

На заробкі ў Польшчу цяпер толькі з ДНЖ? Разабраліся, хто можа працаўладкавацца там па новых правілах14

З-пад завалаў шматпавярховіка ў Кіеве ноччу дасталі яшчэ пяць целаў, колькасць загінулых дасягнула 21

У Беларусі пачынаюць прадаваць электракары за 20 900 рублёў. Але выглядаюць яны вельмі незвычайна2

больш чытаных навін
больш лайканых навін

Беларуска расказвае, як з 15 гадоў жыве з шызафрэніяй19

Беларуска расказвае, як з 15 гадоў жыве з шызафрэніяй

Галоўнае
Усе навіны →

Заўвага:

 

 

 

 

Закрыць Паведаміць