Учора адстаўку прэм'ера Францыі патрабаваў левы «Новы народны фронт», які фармальна выйграў выбары.

Прэзідэнт Францыі Эманюэль Макрон адмовіўся прыняць адстаўку прэм'ер-міністра Рэспублікі Габрыэля Аталя. Пра гэта паведаміла Agence France-Presse.
Паводле ягоных звестак, кіраўнік дзяржавы папрасіў прэм'ера «часова застацца на пасадзе, каб забяспечыць стабільнасць у краіне».
Нагадаем, што ўчора ў другім туры парламенцкіх выбараў у Францыі большасць галасоў набраў левы блок «Новы народны фронт» з Жан-Люкам Меланшонам, які ўзначальвае «Няскораную Францыю». Па выніках двух тураў левыя зоймуць 182 месцы ў парламенце.
Другое месца ў кааліцыі прэзідэнта Эмануэля Макрона «Разам!» (168 месцаў). Ультраправыя на чале з «Нацыянальным аб'яднаннем» Марын Лё Пэн, якія перамаглі ў першым туры, у другім паказалі толькі трэці вынік, які дае ім сумарна 143 дэпутацкія мандаты.
Усяго ў парламенце Францыі 577 месцаў.
Каментары