Свет1111

Байдэн сказаў, што моліцца за Трампа, і заклікаў аб'яднацца ўсю нацыю

Прэзідэнт ЗША Джо Байдэн выступіў з адмысловай заявай з нагоды замаху на свайго суперніка падчас прэзідэнцкіх выбараў, экс-прэзідэнта Дональда Трампа.

Джо Байдэн. Фота: AP Photo/Matt Rourke

«Мне правялі брыфінг з нагоды стральбы на мітынгу Дональда Трампа ў Пенсільваніі.

Я ўдзячны, што ён у бяспецы і адчувае сябе добра. Я малюся за яго, ягоную сям'ю і ўсіх, хто быў на мітынгу, пакуль мы чакаем далейшую інфармацыю.

Джыл і я ўдзячныя сакрэтнай службе за тое, што яны забяспечылі яго бяспеку. У Амерыцы няма месца такому гвалту. Уся нацыя павінна аб'яднацца ў яго асуджэнні», — заявіў Джо Байдэн.

У той жа час на пытанне, ці лічыць ён, што на Трампа здзейснілі замах, Байдэн адказаў: «У мяне ёсць меркаванне, але няма фактаў». І дадаў, што выкажацца з гэтай нагоды, калі ў яго будуць факты.

Прэзідэнт ЗША таксама паабяцаў, што калі пагаворыць з Трампам, то паведаміць пра гэта нацыі. Ён ужо, маўляў, спрабаваў з ім стэлефанавацца, але пакуль не здолеў гэтага зрабіць.

Выказалася адносна страляніны на мітынгу Трампа і віцэ-прэзідэнтка ЗША Камала Харыс:

«Мяне праінфармавалі пра страляніну на перадвыбарным мітынгу былога прэзідэнта Трампа ў Пенсільваніі. Я і мой муж Даг уздыхнулі з палёгкай, даведаўшыся, што ён не атрымаў сур'ёзных траўмаў. Мы молімся за яго, ягоную сям'ю і ўсіх тых, хто пацярпеў у выніку гэтай бессэнсоўнай страляніны.

Мы ўдзячныя Сакрэтнай службе ЗША, службам хуткага рэагавання і мясцовым уладам за іх аператыўныя дзеянні. Такому гвалту няма месца ў нашай краіне. Мы ўсе павінны асудзіць гэты агідны акт і ўнесці свой уклад у тое, каб ён не прывёў да яшчэ большага гвалту».

Здарэнне ў Пенсільваніі пракаментаваў таксама экс-прэзідэнт ЗША Барак Абама:

«У нашай дэмакратыі няма абсалютна ніякага месца гвалту па палітычных матывах. Хоць мы пакуль дакладна не ведаем, што адбылося, мы ўсе павінны адчуваць палёгку ў сувязі з тым, што былы прэзідэнт Трамп не пацярпеў сур'ёзна, і скарыстацца гэтым момантам, каб зноўку пацвердзіць сваю прыхільнасць да цывілізаванасці і павагі ў нашай палітыцы. Мішэль і я жадаем яму найхутчэйшага выздараўлення», — напісаў Абама ў X.

@nashaniva Галоўная навіна дня #беларусь #ураган #минск #мінск #буря #погода #тепло #лето ♬ Épico - Leonardo Travensoli

Каментары11

  • American
    14.07.2024
    [Рэд. выдалена]
  • твая жонка індэец? - спыталі неяк мужа майго старыя гарналыжнікі ў ...
    14.07.2024
    "і заклікаў аб'яднацца ўсю нацыю"

    якую нацыю? шматшматшматнацыянальную? якая сасе з народаў Зямлі?
  • Болван тоже может быть беларускоязычным
    14.07.2024
    Гераiчнае вуха, тебе к психиатру, убогое создание. и чем скорее тем лучше.

Цяпер чытаюць

Польшча адкрывае мяжу з Беларуссю60

Польшча адкрывае мяжу з Беларуссю

Усе навіны →
Усе навіны

Мінчанка прадала машыну за 900 рублёў, а праз чатыры гады даведалася пра доўг 6000 рублёў4

Nvidia дамовілася інвеставаць да $100 млрд у ChatGPT — кампаніі плануюць стварыць суперінтэлект2

«На прабегу 40—55 тысяч пачынаюць прагараць клапаны». Беларусы пра досвед карыстання Geely10

Як Стакгольм перамог заторы без абурэння жыхароў8

«Залаты мяч» атрымаў французскі нападнік Усман Дэмбеле

Аэрапорты Даніі і Нарвегіі прыпынялі працу праз з'яўленне вялікіх дронаў9

Пуцін даў расійскае грамадзянства былой памочніцы Байдэна7

Чыноўнік ад турызму наракае, што ў Беларусі вельмі кепскія гатэлі2

У Мінску заўважылі дзіўны аўтамабіль, бітком набіты людзьмі і поні2

больш чытаных навін
больш лайканых навін

Польшча адкрывае мяжу з Беларуссю60

Польшча адкрывае мяжу з Беларуссю

Галоўнае
Усе навіны →

Заўвага:

 

 

 

 

Закрыць Паведаміць